आईसीटी समाचार
स्मार्टफोन उत्पादक कम्पनी भीभोले दशैंको उपलक्ष्यमा भीभो लक्की ड्र अभियान आयोजना गरी प्रत्येक भीभो स्मार्टफोन खरीद गर्ने ग्राहकहरुलाई आकर्षक उपहार जित्ने अवसर प्रदान गर्दछ । अक्टोबर १ तारिख देखि नोभेम्बर १५ सम्म भीभो स्मार्ट फोन खरीद गर्ने ग्राहकले यो अभियानमा सहभागिता गर्ने मौका पाउने छ । भीभो स्मार्ट फोन कुनै पनि भीभोको विशेष स्टोर वा आधिकारिक खुद्रा विक्रेता पसलबाट खरीद गर्न सकिने छ ।
दशैं भीभो लक्की ड्रमा सहभागी भाग्यशाली ग्राहकहरुले उपयोगी एवं आकर्षक उपभोग्य सामग्री जस्तै एलजीका होम अप्लाएन्सेन्, ल्यापटप, भीभो भी २१ ई स्मार्ट फोन, एंकर गेमिङ्ग हेडफोन, ब्लुटुथ स्पीकर, इयरवड्स् र अन्य थुप्रै उपहार प्राप्त गर्न सक्ने छन् ।
भीभो नेपालका प्रमुख कार्यकारी अधिकृत, भीभोले नेपालमा पु¥याएको गुणस्तरीय सेवा र त्यस प्रति ग्राहकको बढ्दो अभिरुचि बारे प्रकाश पार्दै— 'हाम्रा ग्राहकहरुबाट पाएको माया प्रति हामी अत्यन्त आभारी छौँ र नेपाली जनतालाई थप अन्य आकर्षक उत्पादन प्रदान गर्न निरन्तर प्रतिबद्ध छौँ' भनेर बताएका छन् ।
उनले गत वर्ष हामीले ग्राहकहरुका लागि आकर्षक उपहारहरु पाउने अवसर दिएका थियौँ भने यस वर्ष अझ बढी र गुणस्तरीय उपहार प्रदान गर्ने अभिलाषा सहित यो लक्की ड्र अभियान प्रस्तुत गरेको पनि बताएका छन् ।
निर्धारित योजना अवधिभर भीभोका उत्पादन खरीद गर्ने ग्राहकले यसमा सहभागिता गर्न सक्नेछन् । यसका लागि भीभोको वेभसाइटमा लग इन गरी वा उपलब्ध गराइएको क्यू आर कोड स्क्यानिङ्ग गरी आफूलाई सहभागी गराउनुपर्नेछ । विजयीहरुको घोषणा लक्की ड्र« मार्फत तुरुन्तै गरिने छ र उनीहरुको उपहार भीभो मार्फत जानकारी गराइनेछ । पूर्ण जानकारी भीभोको वेभसाइटमा प्राप्त गर्न सकिनेछ ।
