आईसीटी समाचार
नबिल बैंकले गत वर्ष तयार पारेको दशैं भिडियोको अपार सफलता पश्चात् यो वर्ष पनि“नयाँ लुगा”नामक दशैंको भिडियो सार्वजनिक गरेको छ । यो भिडियो नेपालीहरुको महान चाड दशैं मनाउन शहरमा बसोबास गर्ने र दशैं मनाउन गाँउ फर्कने गरेको कुरामा आधारित छ ।
भिडियोमा एक जना बाबा शहरमा जागिर गर्दछन, घरबाट छोरीको फोन दशैंमा नयाँ कपडा ल्याइदिनु भनेर आँउछ र उनी छोरी एवं श्रीमतीको खुशीका निम्ती दशैं किनमेल गरेर गाँउ फर्किन्छन् । फर्किदा, बाटो बिग्रेर जाममा पर्छ तर परिवारको माया अनी खुशीको लागि उनी रात भरी हिंडेर गाउ पुग्छन् । यो कथालाई भिडियोमा निकै मार्मिक ढंगले प्रस्तुत गरिएको छ ।
घर पुग्दा छोरी, आमा अनी छोरीको साथी समेत सबै जना खुशीभई दशैंमनाउने तयारी गर्दछन र अब जागिर खान शहर जाने होइन, गाउँमा नै केही गर्नु पर्दछ भन्ने सन्देश पनि भिडियोले दिएको छ ।
यसैगरी दशैंको यस भिडियोले सकभर दशैंमा आफ्नो परिवार संग भेटि सुरक्षित साथखुशी साटासाट गर्नुपर्छ भन्ने सन्देश सरल ढंगले दिएको छ ।
