आईसीटी समाचार
नेपाल बैङ्क लिमिटेडले चाड पर्वहरूको अवसरमा पारिवारिक साथ सम्बन्ध दर्साउने सन्देशमूलक भिडियो ‘साथ सम्बन्ध’ सार्वजनिक गरेको छ । परिवारमा सबैका आ–आफ्ना चाहना आवश्यकता र भूमिकाहरू हुन्छन् र ती सबैको सम्मान गर्नुपर्दछ भन्ने भाव देखिने भिडियोमा हजुरबुबाको एक फरक क्षमता भएको आफ्नो नाति प्रतिको असीम प्यारलाई कारुणिक ढङ्गले प्रस्तुत गरिएको छ ।
डिजिटल बैङ्किङ प्रयोग गर्न ज्येष्ठ नागरिकहरुलाई समेत प्रोत्साहित गरेको भिडियोले अप्रत्यक्ष रूपमा बचतको महत्त्व दर्साउँदै सबैलाई बैङ्कमा बचत गर्न प्रेरित पनि गरेको छ । नेपाल बैङ्क लि.ले आफ्नो आधिकारिक फेसबुक पेज र युट्युव मार्फत सो भिडियो सार्वजनिक गरेको यो जनाएको छ ।
भिडियोका लागि यहाँ क्लिक गर्नुहोस् ।
