आईसीटी समाचार
आफ्नो डिजिटल प्रतिभा विकास इकोसिस्टम पहलको एक भागको रूपमा, ह्वावेले इन्जिनियरिङ् इन्स्टिच्युटका विद्यार्थीहरूको लागि “मोबाइल एप उद्योगको भविष्य“ विषय मा वेबिनारको आयोजना गरेको छ । ह्वावे टेकनोलोजिले त्रिभुवन विश्वविद्यालयको इन्स्टिच्युट अफ इन्जिनियरिङसँगको सहकार्यमा वेबिनार आयोजना गरेको हो ।
वेबिनारले ह्वावे र आईओई बीचको शैक्षिक मोर्चामा सहकार्य को सुरुवात गरेको छ । कार्यक्रममा वक्ताहरुमा आईओई बाट एसोसिएट प्रोफेसर डा. बसन्त जोशी, ह्वावे नेपाल का सिईओ विलियम झाङ, ह्वावे ईन्डिया का एसोसिएट उपाध्यक्ष मुरली वी, ह्वावे ईन्डिया बाट सिस्टम आर्किटेक्ट अभिषेक, र ह्वावे ईन्डिया बाट रेबन्त रहेका थिए ।
ह्वावे नेपालका सीईओ विलियम झाङले नेपालमा ह्वावेको योगदानको बारेमा कुरा गरेका थिए र नेपालको डिजिटल अर्थतन्त्रलाई गति दिन डिजिटल प्रतिभालाई तालिम दिने ह्वावे को योजनाबारे छलफल पनि गरे । आईओईबाट डा. बसन्त जोशीले सहयोगको लागि ह्वावेलाई धन्यवाद दिदै ह्वावेसँग दिर्घकालिन सहयोगको आश्वासन पनि दिएका छन् ।
मुरली वी, ह्वावे ईन्डियाका एसोसिएट उपाध्यक्षले त्यसपछि ह्वावे मोबाइल सेवाहरू, यसका सुविधाहरू, इच्छुक विकासकर्ताहरूको लागि दर्ता प्रक्रिया, र ह्वावे समुदायको योगदानका सम्भावनाहरू तथा अन्य कुराहरूका बारेमा जानकारी दिएका थिए । उहाँले ह्वावे द्वारा प्रस्तावित एचएमएस पाँच हप्ताको फाउन्डेशन कोर्सको बारेमा पनि स्पष्ट चित्र दिएका थिए । “सर्टिफिकेसन र तालिम कार्यक्रम पूरा गर्ने विद्यार्थीले उद्योगलाई तयार र उद्योग सान्दर्भिक बनाउनुपर्छ”, भन्ने कुरामा मुरलीले जोड दिएका छन् ।
वेबिनारमा सिस्टम आर्किटेक्ट अभिषेकले एचएमएसको प्राविधिक क्षमताहरू बारे व्याख्या पनि गरे । उनले एचएमएस द्वारा समर्थित टूलकिटहरू चलाएका थिए जसमा मेसिन लर्निङ किट, स्क्यान किट, लोकेशन किट आदि समावेश थिए । यी सबैलाई कुइक डेमोका साथमा देखाईएको थियो । यो वेबिनारको रेकर्डिङ यस ग्रुपमा जोडिएर हेर्न सकिनेछ ।
