आईसीटी समाचार
गत महिना गूगलले सन् २०२१ को अन्त्यसम्ममा टू स्टेप भेरिफिकेसन प्रयोगकर्ताहरुका लागि अटो (स्वायत्त) इनरोल हुने गरी उपलब्ध गराउने घोषणा गरेको थियो । अब गूगलले यो फिचर इनेबल गरेकै हुनुपर्छ भनेर प्रयोगकर्ताहरुका लागि अनिवार्य बनाउन फोर्स गर्न थालेको छ ।
कम्पनीले तपाईको गूगल अकाउन्टमा स्वायत्त रुपमा टू स्टेप भेरिफिकेसन सुचारु गर्नु भन्दा एक हप्ता अघि प्रयोगकर्तालाई ईमेल वा नोटिफकेसन पठाउने गर्दछ । टू स्टेप भेरिफिकेसनले प्रयोगकर्ताको गूगल अकाउन्टमा अझै सुरक्षा बढाउने गर्दछ ।
अहिले प्रयोगकर्ताहरुले टू स्टेप भेरिफिकेसनलाई अफ पनि गर्न सक्छन् तर पासवर्ड मात्रै राख्दा अकाउन्ट सुरक्षित हुँदैन् । तपाईको गूगल अकाउन्टमा टू स्टेप भेरिफिकेसन सुचारु गर्न तलको प्रक्रिया प्रयोग गर्नुहोस् ।
यसका लागि सर्वप्रथम तपाईले आफ्नो गूगल अकाउन्ट खोल्नुपर्छ । त्यसपछि त्यो पेजको माथिल्लो बायाँ भागमा रहको आफ्नो ईमेजमा क्लिक गर्नुहोस् । अब तपाईको ईमेल एड्रेसको तल भएको ‘म्यानेज योर गूगल अकाउन्ट’ भन्ने अप्सनमा क्लिक गर्नुहोस् ।
अब न्याभिगेसन प्यानलमा सेक्युरिटी भन्ने अप्सनमा क्लिक गर्नुपर्छ । साईनिङ इन टू गूगल अकाउन्टको तल रहेको टू स्टेप भेरिफिकेसन भन्ने अप्सनलाई सेलेक्ट गर्नुपर्छ । अर्काे पेजमा गेट स्टार्टटेड भनेर थिच्नुपर्छ । अब तपाईले आफ्नो गूगल अकाउन्टको पासवर्ड हाल्नुपर्ने हुन्छ ।
अब तपाईले कुन तरीकाले साइन इन गर्न चाहनुहुन्छ भनेर छान्नुपर्ने हुन्छ । यहाँ प्रम्प्ट, टेक्स्ट मेसेज, सेक्युरिटी कल वा भ्वाइस कल भन्ने अप्सनहरुबाट छान्न सकिन्छ । तपाईलाई मनलागेको अर्काे तरिकाले साइन इन गरेपछि तपाईले आफ्नो फोन नम्बर हाल्नुपर्ने हुन्छ ।
यसले गर्दा तपाईले फोन नम्बर प्रयोग गरेर पनि साइन इन गर्न सक्नु हुनेछ । अब तपाईले आफ्नो फोन नम्बरमा पाएको कोडलाई इन्टर गरेर टर्न अन भन्ने अप्सनमा क्लिक गर्नुपर्छ । यसरी तपाईको गूगल अकाउन्टमा टू स्टेप भेरिफिकेसन सुचारु गर्न सकिन्छ ।
