आईसीटी समाचार
आगामी पुस २ गते एफवान सफ्ट आइसिटी अवार्ड २०२१ को ग्राण्ड फिनाले आयोजना हुँदैछ । यस पटक विभिन्न ११ विधामा अवार्ड वितरण हुनेछ ।
त्यसमध्येको एक विधा हो, राइजिङ स्टुडेन्ट इन्नोभेसन आइसिटी अवार्ड । जसको उत्कृष्ट ५ घोषणा भइसकेको छ । अहिले पब्लिक भोटिङ र फिल्ड भिजिट चलिरहेको छ ।
राइजिङ स्टुडेन्ट विधिमामा विद्यार्थीले बनाएका प्रोजेक्टहरू सहभागी हुन सक्छन् । यस वर्ष राइजिङ स्टुडेन्ट विधामा ६० भन्दा बढीको नोमिनेसन परेको थियो । आज हामी तपाईलाई राइजिङ स्टुडेन्ट आइसिटी अवार्ड २०२१ का उत्कृष्ट ५ प्रोजेक्टको बारेमा जानकारी दिदैछौं ।
आस्क म्याट्ररब
आस्क म्याट्ररब डटकमले नेपालभरका विद्यार्थीहरूका लागि निःशुल्क शैक्षिक स्रोतहरू उपलब्ध गराउने गर्दछ । आस्क म्याट्ररबले विद्यार्थीहरू आफैंले सिर्जना गरेका स्रोतहरू प्रयोग गरेर देशभर शैक्षिक खाडललाई पूरा गर्ने लक्ष्य राखेको छ ।
आस्क म्याट्ररबमा आफुले नजानेको विषयमा प्रश्न पनि सोध्न सकिन्छ । आस्क म्याट्ररबमा विद्यार्थीहरूले आफ्नो बारेमा, यात्रा, अनुभवहरू पनि शेयर गर्न सक्छन् ।
हाल आस्क म्याट्ररबसँग मासिक ३० हजार पाठक र १४५० पढ्ने स्रोतहरू छन् । रविनकुमार कालीकोटे, प्रणिश खनाल, इशान पन्त, आकृति कार्की र जुन शाक्यले आस्क म्याट्ररबको स्थापना गरेका हुन् ।
आइओटी बेस्स्ड इकोनोमिकल एयर प्युरिफायर फर द ग्लोबल साउथ
यो परियोजना स्वचालित हावा शुद्धिकरण प्रणालीको लागि इन्टरनेट अफ थिंग्स (आईओटी) मा आधारित छ । यसमा जडान गरिएको डिस्प्लेमा हावाको गुणस्तर मापन देखाउँछ र प्रदूषण स्वस्थ स्तरभन्दा बढी हुँदा स्वचालित रूपमा सञ्चालन हुन्छ ।
यो उपकरण वायुको गुणस्तर स्वस्थ स्तरमा पुगेपछि आफैं बन्द हुने गर्दछ । परियोजनासँग सर्भरमा आधारित डाटाबेस छ, जुन स्थानीय र क्षेत्रीय स्तरको डाटालाई अनुसन्धान, अध्ययन, सञ्चालन गर्न र प्रभावकारी उपायहरूमा अनुगमन गर्न प्रयोग गर्न सकिन्छ ।
सङ्कलन गरिएको डाटालाई विभिन्न प्रकारका कणहरू पहिचान गर्न विश्लेषण गर्न र तदनुसार प्रणालीलाई अनुकूलन गर्न सकिन्छ ।
फरक उचाइ, हावापानी, दबाबको क्षेत्रहरूमा पिएमको भिन्नता उपकरणको डेटा मार्फत अध्ययन गर्न सकिन्छ ।
ग्यास डिटेक्टरहरू जस्तै अन्य मोड्युलहरू थपेर हानिकारक र रासायनिक ग्यासहरू पनि पत्ता लगाउन सकिन्छ भने मानिसहरूलाई सचेत गर्न प्रयोग गर्न सकिन्छ । यस परियोजनामा मनोज गुरुङ, कुशल भण्डारी, श्रीदीप कैनी, नवनीत सिंह र इशान पन्त संलग्न रहेका छन् ।
मशुर
मशुर मानवजातिलाई चाहिने आहार आवश्यकता पूरा नभएको नेपालीहरूलाई पहुँचयोग्य र सस्तो पोषण पुर्याउने अभियानमा लागेको छ ।
कम्पनीको नवीनतम उत्पादन मुसोरः होम हार्भेस्ट सिस्टम हो, जुन एक पूर्ण स्वचालित आईओटी डिभाइस हो । यसले यन्त्र भित्रको मौसमी अवस्थालाई कायम राख्छ ।
मशुरले एआई, आईओटी जस्ता नवीन प्रविधिहरू एकीकृत गरेर सेवा प्रदान गर्ने समेत जनाएको छ । कम्पनीको नवीनतम उत्पादन मुसोरः होम हार्भेस्ट सिस्टम हो, जुन एक पूर्ण स्वचालित आईओटी डिभाइस हो ।
यसले यन्त्र भित्रको मौसमी अवस्थालाई कायम राख्छ । आम मानिसहरुले मशुरको प्रणालीको उपयोग गरी आफ्नै घरमा च्याउ र माइक्रोग्रीनको प्रजातिहरुलाई उत्पादन गर्न सक्ने छन् ।
मशुरको प्राथमिक अवधारणा भनेको मानिसहरूलाई पहुँचयोग्य र किफायती पोषण उपलब्ध गराउनु हो । नेपालमा, ६.१ प्रतिशत जनसंख्याको पोषणमा गाह्रै गरेर पहुँच छ भने ३६ प्रतिशतले मात्र सिफारिस गरिएको दैनिक आहार आवश्यकताहरू पूरा गर्छन् ।
खाद्य उपभोगको मात्रा र गुणस्तरमा सुधार गर्ने प्रविधि र इकोसिस्टमको विकास गरेर, मुसोरले मानिसहरूलाई उत्पादनशील र थप सन्तुष्ट जीवन निर्माण गर्न आफ्नो समय र ऊर्जा खर्च गर्न मद्दत गर्नेछ ।
यो परियोजनाको टिममा शिशिर पन्त, प्रशान्त भट्ट, निर्देश भट्टराई, सोनी पोखरेल र निश्चल नेपाल आवद्ध रहेका छन् ।
ओपन पास्ट पेपर
ओपन पास्ट पेपर आर्टिफिसियल इन्टेलिजेन्स र परीक्षाको व्यवस्थापनको क्षेत्रमा काम गरिरहेको एउटा परियोजना हो । यसबाट केही क्लिकमै परीक्षाका लागि पेपर बनाउन सकिन्छ । प्रयोगकर्ताहरुले सयौँ प्रश्नहरुलाई ब्राउज गरेर ३० सेकेण्ड भित्रै कस्टम प्रश्न पत्र तयार पार्न सक्दछन् ।
यसले तपाईलाई परीक्षाको लागि तयारी गर्न एकदमै सहज बनाउने गर्दछ । शिक्षकहरुले पनि अहिलेको अनलाइन शिक्षाको समयमा यसलाई प्रयोग गरेर विद्यार्थीहरुलाई धेरै भन्दा धेरै प्रश्नहरु अभ्यास गराउन सक्नेछन् । यो प्रोजेक्टको टिममा प्रशन्न कर्मचार्य, मनिस गोतामे र सन्तोष बराल रहेका छन् ।
रेन्ट अ बाइक
रेन्ट अ बाइक एउटा मोबाइल एप हो । यो एप नेपालको बढ्दो साहसिक खेल माउन्टेन बाइकिङलाई प्रवर्द्धन गर्न विकास गरिएको हो ।
पोखरा माउन्टेन बाइक एडभेन्चरले प्रस्ताव गरेको केही उत्कृष्ट एक दिने बाइकिङ ट्रेलहरू रेन्ट अ बाइक रहेका छन् । ट्रेल नक्साहरू अन्वेषण गर्न, डाउनलोड गर्न, र आफ्नै रूपमा नेभिगेट गर्न निःशुल्क उपलब्ध रहेका छन् ।
यसमा डिजिटल नक्सा, लोकप्रिय बाइकिङ यात्राहरूको मार्ग जानकारी, स्थल चिह्नहरूको जानकारी, अफलाइन नक्सा, माउन्टेन बाइकको जानकारी लगायतका सुविधा छन् । परियोजनाको टोलीमा अनुसन्धान पोखरेल, वैभव विष्ट र सृष्टि श्रेष्ठ रहेका छन् । उनीहरूको टोलीको नाम एसफेरा हो ।
