आईसीटी समाचार
अब प्रयोगकर्ताहरुले स्मार्टफोन प्रयोग गरेर एन्ड्रोइड टिभी एपहरु इन्स्टल गर्न सक्ने भएका छन् । गूगलले एन्ड्रोइडबाट चल्ने स्मार्ट टिभीमा फोनबाटै एपहरु इन्स्टल गर्न मिल्ने बनाएको हो । यो अप्सन एन्ड्रोइड प्रयोगकर्ताका लागि मात्रै उपलब्ध रहेको छ ।
यसले गर्दा प्रयोगकर्ताले स्मार्ट टिभीको प्लेस्टोरमा एपहरु खोजिरहनु पर्दैन् । यसका लागि तपाईले एउटै गूगल अकाउन्ट स्मार्टफोन र एन्ड्रोइड टिभी डिभाइसमा लग इन गरेको हुनुपर्ने छ ।
एन्ड्रोइड टिभीको छेउमा रहेको चेकबक्समा थिचेर इन्स्टल बटनमा क्लिक गरेपछि एन्ड्रोइड टिभीमा एप पाउन सकिन्छ । यो फिचर गूगलले प्रयोगकर्ताका लागि उपलब्ध गराउन सुरु गरेको छ ।
