मोबाइल वालेट माई पेबाट पहिलो कारोबार गर्दा २५ प्रतिशत क्यासब्याक

मोबाइल वालेट माई पेबाट पहिलो कारोबार गर्दा २५ प्रतिशत क्यासब्याक पाइने भएको छ ।

माई पेबाट पहिलो पटक मोबाइल टपअप, इन्टरनेट र विद्युतको बिल तिर्दा तथा फन्ड ट्रान्सफर गर्दा २५ प्रतिशत क्यासब्याक दिइने कम्पनीले जनाएको छ ।

स्मार्टकार्ड नेपाल प्रालिले सञ्चालन गर्ने माई पे वालेट नेपाल राष्ट्र बैंकबाट भुक्तानी सेवा प्रदायकको रूपमा अनुमति प्राप्त संस्था हो । जसबाट विभिन्न किसिमका भुक्तानी अनलाइनबाटै गर्न सकिने छ ।

माई पेले बजारमा आक्रमक रूपमा प्रवेश गर्ने योजना बनाएको छ । केही समयपछि माई पे औपचारिक रूपमा सार्वजनिक हुने जनाइएको छ ।

हाललाई माई पेको एन्ड्रोइड एप गूगल प्ले स्टोरबाट डाउनलोड गरेर प्रयोग गर्न सकिने छ । एप डाउनलोड गर्न यहाँ क्लिक गर्नुहोस् ।