आईसीटी समाचार
डिजिटल सर्भिसेस (प्राइभेट सेक्टर) आइसिटी अवार्ड २०२१ नेपाल क्लियरिङ हाजस लिमिटेडले पाएको छ । शुक्रबार सोल्टी होटेलमा आयोजना भएको आइसिटी अवार्डको ग्राण्ड फिनाले कार्यक्रममा नेपाल क्लियरिङ हाउसलाई उक्त अवार्ड प्रदान गरिएको हो ।
सर्वसाधारण जनतालाई दिने सेवा सुविधालाई सूचना प्रविधि मार्फत छिटो, छरितो र सरल तरिकाबाट प्रदान गर्ने निजी क्षेत्रका कम्पनीलाई यो अवार्ड प्रदान गरिन्छ । यसै वर्ष थपिएको डिजिटल सर्भिसेस अवार्ड प्राइभेट क्षेत्रतर्फको अवार्ड नेपाल क्लियरिङ हाउसले पाएको हो ।
डिजिटल पेमेन्टको क्षेत्रमा क्लियरिङ हाउसको योगदान उल्लेख्निय रहेको छ । क्लियरिङ हाउसले कनेक्ट आईपीएस, कर्पोरेट पे, इन्टर बैंक पेमेन्ट, आरटीजीएस लगायतका विभिन्न प्रविधि सञ्चालन गर्दै आएको छ ।
