आईसीटी समाचार
डिजिटल सर्भिसेस (पब्लिक सेक्टर) आइसिटी अवार्ड २०२१ भूमि व्यवस्था तथा अभिलेख विभागले पाएको छ । शुक्रबार सोल्टी होटेलमा आयोजना भएको आइसिटी अवार्डको ग्राण्ड फिनाले कार्यक्रममा भूमि व्यवस्था तथा अभिलेख विभागलाई उक्त अवार्ड प्रदान गरिएको हो ।
सर्वसाधारण जनतालाई दिने सेवा सुविधालाई सूचना प्रविधि मार्फत छिटो, छरितो र सरल तरिकाबाट प्रदान गर्ने सरकारी कम्पनीलाई यो अवार्ड प्रदान गरिन्छ । यसै वर्ष थपिएको डिजिटल सर्भिसेस अवार्ड पब्लिक क्षेत्रका लागि भूमि व्यवस्था तथा अभिलेख विभागलाई प्रदान गरिएको हो ।
भूमि व्यवस्था तथा अभिलेख विभागले भूमि तथा त्यसको अभिलेख सम्बन्धि कामलाई डिजिटलाइजेसन गर्ने काम गरेको छ ।
