आईसीटी समाचार
नेपाल दूरसञ्चार प्राधिकरणले ग्रामीण दूरसञ्चार विकास कोष प्रयोग गरी आधारभूत सामुदायीक विद्यालयमा २० एमबीपीएसको ब्रोडब्याण्ड इन्टरनेट विस्तार गर्दैछ ।
जस अनुसार प्राधिकरणले भूकम्पबाट प्रभावित ८ र काठमाडौं उपत्यका बाहेकका जिल्लाका सबै स्थानीय तह, वडा कार्यालय, सामुदायिक विद्यालय र सामुदायीक स्वास्थ्य संस्थामा स्तर उन्नती गर्न तथा आधारभूत सामुदायिक विद्यालयमा कम्तिमा २० एमबीपीएसको इन्टरनेट जडान गर्न ३३८ स्थानीय तहसँग सम्झौता गरेको छ ।
७३२ स्थानीय तहमध्ये हालसम्म ३३८ स्थानीय तहसँग मात्रै सम्झौता भएको छ भने बाँकीसँग सम्झौता भएको छैन् । प्राधिकरणले बिहीबार एक सूचना प्रकाशित गर्दै बाँकी छुटेका स्थानीय तहलाई १ महिनाभित्र समझदारी पत्रमा हस्ताक्षरका लागि सम्पर्क गर्न अनुरोध गरेको छ ।
१ महिनाको समयसिमा भित्र समझदारी पत्रमा हस्ताक्षरका लागि सम्पर्कमा आउने स्थानीय निकायहरूको सूचीलाई अन्तिम मानी इन्टरनेट विस्तार गरिने प्राधिकरणले जनाएको छ ।
