आईसीटी समाचार
रियलमीले ५० मेगापिक्सेल एआई ट्रिपल क्यामेरासहितको रियलमी सी २५ वाई नेपालमा सार्वजनिक गरेको छ । इन्ट्री-लेभलको यस स्मार्टफोनमा १८ वाट क्वीक चार्ज सपोर्ट गर्ने ५ हजार एमएएचको ब्याट्री राखिएको छ ।
फोनमा ६.५ इन्चको डिस्प्ले रहेको छ । यसको क्यामेरामा एआई ब्यूटी मोड फङ्सन, एच्डीआर मोड, प्यानारोमिक भ्यु मोड, प्रोट्रेट मोड, टाइमल्याप्स पङ्सन, एक्सपर्ट मोड उपलब्ध छन् ।
सी२५ वाईमा सेल्फी खिच्न एब्युटी फङ्सन भएको ८ एमपी सेल्फी क्यामेरा पनि रहेको छ । स्ट्यान्डबाइ मोडमा राख्दा फोनको ब्याट्री ४८ दिनसम्म टिक्न सक्ने कम्पनीको दावी छ ।
रियलमी सी२५ वाईमा अक्टा-कोर युनिसोक टि ६१० प्रोसेसरले राखिएको छ, जुन २.० गेगाहर्ज सम्म चल्दछ । यसमा दुईवटा नानो-सिम कार्डहरु राख्न मिल्छ र २५६ जीबी सम्मको अतिरिक्त स्टोरेजका लागि माइक्रो एसडी कार्ड सलट पनि उपलब्ध छ ।
फोनमा अल्ट्रा-फास्ट फिङ्गगरप्रिन्ट अनलकिङ्ग र फेसियल रिकगनिसन सुविधा उपलब्ध छन् । रियलमी सी२५ वाई ग्लेसियर ब्लू र मेटल ग्रे रंगमा उपलब्ध छ । रियलमी सी२५ वाइले नेपालमा ४ जीबी र्याम र १२८ जीबी र्याम स्टोरेज भेरिएन्टको मूल्य रु. २० हजार ४४९ तोकेको छ ।
पौष १५ २०७८ देखि सर्वत्र बजारमा उपलब्ध रियलमी सी२५ वाई स्मार्टफोन दराजमा पौष १८ २०७८ देखि बिक्री भइरहेको छ ।
