डिजिटल वालेट खल्तीका प्रयोगकर्ताले वर्ल्डलिङ्कको फ्री वाइफाइ हटस्पटमा १०० जीबी इन्टरनेट पाउने भएका छन् । ‘खल्तीमा १०० जीबी’ अफर अन्तर्गत खल्ती प्रयोगकर्ताहरुले वर्ल्डलिंकका १४ हजार बढी हटस्पटहरुमा १०० जीबी फ्रि वाईफाई ३० दिनको लागि प्रयोग गर्न सक्नेछन् ।
१०० जीबी फ्री वाईफाई एक्टिभेट गर्न अघि खल्ती प्रयोगकर्ताले वर्ल्डलिङ्कको फ्रि वाइफाइमा लागि रजिस्टर भने गरेको हुनुपर्नेछ ।
रजिस्टर गरे पश्चात खल्ती एपको पपुलर सर्भिसेसमा रहेको खल्तीमा १०० जीबी आइकनमा गई गेट १०० जीबी फ्रि वाईफाईमा ट्याप गरी एक्टिभेट गरेपछि आउँदो ३० दिनसम्म फ्रि वाईफाई प्रयोग गर्न सकिनेछ ।
प्रयोगकर्ताको दर्ता गरिएको खल्ती आईडी र वर्ल्डलिंक फ्री वाइफाइमा रजिस्टर्ड आईडी भने एउटै हुनुपर्नेछ। यो अफर पौष २७ देखि माघ २६, २०७८ सम्म लागु हुनेछ ।
यस सुविधा मार्फत नेपालमा उपलब्ध भएको १४ हजार भन्दा बढी ठाउँहरुबाट जुनसुकै समयमा पनि सजिलै इन्टरनेटको सुविधा प्राप्त हुनेछ ।
खल्तीले २० लाख भन्दा बढि प्रत्यक्ष र लाखौँ अप्रत्यक्ष प्रयोगकर्ताहरुको विश्वास बोकेको खल्ती डिजिटल वालेटले बिल भुक्तानी जस्तै मोबाइल र टिभी रिचार्ज, फ्लाईट तथा मुभी टिकट बुकिङ्ग, बिमा प्रिमियम तथा अनलाईन सपिङ्ग साईटमा भुक्तानी गर्न सकिन्छ ।