एसिया प्यासिफिक स्कूल अन इन्टरनेट गभर्नेन्सको उपाध्यक्षमा अत्याधिक बहुमतका साथ बाबुराम अर्याल निर्वाचित भएका छन् । उनी सन् २०२२-२३ का लागि उपाध्यक्षमा निर्वाचित भएका हुन् ।
२ उपाध्यक्ष पदका लागि भएको निर्वाचनमा ४ जनाको उम्मेद्वारी परेको थियो । जसमा सबैभन्दा बढी अर्यालले जम्मा खसेको मतको ३८ प्रतिशत मत पाएका छन् ।
निर्वाचित भएपछि अर्यालले एसिया तथा प्रशान्त क्षेत्रमा इन्टरनेट गभर्नेन्सको क्षमता अभिवृद्धि र यस विधाको संस्थागत विकासमा काम गर्ने बताए । डेल्टा लका प्रमुख कार्यकाकारी अधिकृत रहेका अर्याल साइबर कानूनका विशेषज्ञ समेत हुन् ।
त्यस्तै दोस्रो स्थानमा मुबासिर सरगनाले २३ प्रतिशत मत पाउँदै उपाध्यक्षमा निर्वाचित भएका छन् । त्यस्तै उपाध्यक्षकै भएको मतदान श्री दिप रायमाझीले २२ प्रतिशत र डा. गोविन्दले १७ प्रतिशत मत पाएका छन् ।
संस्थाको उपाध्यक्षमा सतिस बाबु, महासचिवमा सागरिका विक्रमशेखर र कोषाध्यक्षमा शाह जाहिदुर रहमान निर्वाचित भएका छन् ।
एसिया प्यासिफिक स्कूल अन इन्टरनेट गभर्नेन्स एसिया तथा प्रशान्त क्षेत्रमा इन्टरनेट गभर्नेन्सको क्षमता अभिवृद्धिको लागि स्थापना भएको संस्था हो ।