आईसीटी समाचार
नेपाल दूरसञ्चार प्राधिकरणले आइसिटी तथा टेलिकम उद्योगका लागि कम्प्युटर इमर्जेन्सी रेस्पोन्स टिम (सर्ट) बनाउने भएको छ । यसका लागि प्राधिकरणले आईतबार एक सूचना प्रकाशित गर्दै आशयपत्र माग गरेको छ ।
प्राधिकरणले टेलिकम र आइसिटी उद्योगका लागि सर्ट स्थापना गर्न विस्तृत परियोजना प्रतिवेदन (डीपीआर) तयार गर्न राष्ट्रिय रूपमा परामर्शदाता माग गरेको हो ।
पछिल्लो समय साइबर अपराधका घटना बढ्दै गएपछि त्यसलाई प्रतिरोध गर्न प्राधिकरणले सर्ट स्थापना गर्न लागेको हो ।
इच्छुक परामर्शदाताले प्राधिकरणको कार्यालय र वेबसाइटबाट आशयपत्रको डकुमेन्ट निःशुल्क प्राप्त गर्न सक्ने छन् । आशयपत्र माघ १७ गतेसम्म पेश गर्न सकिने प्राधिकरणले जनाएको छ ।
आशयपत्रको मूल्यांकन ५० प्रतिशत योग्यता, ४० प्रतिशत अनुभव र १० प्रतिशत क्षमताका आधारमा गरिने छ । आशयपत्रको मूल्यांकनपछि शर्ट लिष्टमा परेका कम्पनीलाई प्राविधिक र वित्तिय प्रस्तावका लागि इन्भाइट गरिने छ ।
आशयपत्र पास हुन कम्तिमा ६० अंक ल्याउमु पर्ने हुन्छ ।
