कसमस कलेजमा आयोजना भएको हल्ट क्विज प्रतियोगिताका विजेतालाई प्रमाणपत्र वितरण 

कसमस कलेज अफ म्यानेजमेन्ट एण्ड टेक्नोलोजीमा आयोजना भएको हल्ट क्विज प्रतियोगिताका विजेतालाई आईतबार प्रमाणपत्र वितरण गरिएको छ । गत डिसम्बर ६ मा कलेजमा हल्ट क्विज प्रतियोगिता आयोजना भएको थियो ।

उक्त प्रतियोगितामा ७५ जना सहभागी भएका थिए भने १०० जना अडियन्सको रूपमा विद्यार्थी उपस्थित भएका थिए । प्रतियोगिता सबै संकायका विद्यार्थीका लागि खुल्ला गरिएको थियो । एउटा टिममा ३ जना सहभागी रहेका थिए ।

प्रारम्भिक चरणमा प्रतियोगितामा २६ टिम सहभागी भएका थिए । ती मध्ये ५ टोली अन स्टेज फाइनलका लागि छनोट भएका थिए ।

उक्त कार्यक्रममा अतिथि तथा वक्ताहरूको उपस्थिति रहेको थियो । कार्यक्रममा कसमस कलेजका प्रिन्सिपल डा. पवन कुमार भट्टराईले विद्यार्थीहरूलाई कक्षा कोठाभन्दा बाहिर सिक्न आपुले प्रेरित गर्ने बताए ।

त्यस्तै कार्यक्रममा अतिथि वक्ताको रूपमा इढेवाका सीईओ एलोन बैलोचन तुलाधरले हल्ट प्राइज र यसको महत्व बारे बताएका थिए । हल्ट क्विज प्रतियोगिताका पहिलो, दोस्रो र तेसो हुने टिमलाई प्रमाणपत्र र नगद रूपैयाँ प्रदान गरिएको थियो ।