नागरिक एपबाटै अब क्युआर कोडसहितको खोप कार्डका लागि आवेदन दिन सकिने 

अब नागरिक एपबाटै कोरोना भाइरसविरूद्धको खोपका लागि आवेदन दिन र क्युआर कोडसहितको खोप कार्ड लिन सकिने भएको छ । नयाँ अपडेट मार्फत नागरिक एपले यो फिचर थपेको हो ।

यो सुविधा प्रयोग गर्न तपाईले नागरिक एपको नयाँ भर्सन डाउनलोड वा अपडेट गर्नुपर्ने हुन्छ । एन्ड्रोइडमा नयाँ अपडेट आईसकेको र आईओएसमा आउन केही दिन लाग्ने बताइएको छ ।

नागरिक एपबाट क्युआर कोडसहितको खोप कार्डका लागि आवेदन दिएपछि एकदिन भित्रमा उक्त आवेदन स्वीकृत हुनेछ । स्वीकृत भएपछि नागरिक एपबाट क्युआर कोडसहितको खोप कार्ड डाउनलोड गर्न सकिन्छ ।

नागरिक एपमा कोभिड भ्याक्सिनेसन नामक नयाँ फिचर थपिएको छ । जसमा क्लिक गरेर खोपका लागि प्रि रजिष्ट्रेसन गर्न सकिने छ भने क्युआर कोडसहितको खोपका कार्डका लागि आवेदन दिन सकिन्छ ।

यदी तपाईले खोप लगाइसक्नु भएको छ भने क्युआर कोडसहितको खोप कार्डका लागि तपाईको नाम, ठेगाना, पेशा, स्वास्थ्य अवस्था, खोप लगाएको मिति र भ्याक्सिन कार्ड राखेर आवेदन दिन सक्नुहुन्छ ।