आईसीटी समाचार
१९ वर्षीय ज्याक स्वीनीले एलन जेट नामक ट्वीटरबट निर्माण गरेका छन् । यसले एलन मस्कको निजी जेट उड्ने र अवतरण गर्ने समय ट्वीट गर्ने गर्दछ ।
यो बोटले निजी जेटमा ट्रयाकरको रुपमा काम गर्ने गर्दछ । यसको बारेमा प्राटोकलले स्टोरी सार्वजनिक गरेपछि ज्याक स्वीनी चर्चामा आएका हुन् ।
ज्याक स्वीनीले मस्कसँग ५० हजार अमेरिकी डलर मागेका छन् र मस्कले यो रकम दिएमा उनले जेटलाई ट्रयाक गर्न बन्द गर्ने वाचा पनि गरेका छन् ।
स्वीनीसँग अरु बोटहरु पनि रहेका छन् जसले सार्वजनिक रुपमा उपलब्ध रहेको एयर ट्रयाफिक डेटालाई प्रयोग गरेर बिल गेट्स, जेफ बेजोस जस्ता व्यक्तित्वहरुको प्राइभेट प्लेनलाई पछयाउने गर्दछ ।
एलनजेट आकउन्ट उनको सबैभन्दा चर्चित काम हो किनभने त्यस ट्वीटर अकाउन्टमा स्वीनीको १ लाख ८० हजार फलोअर रहेका छन् ।
यो अकाउन्टलाई एलन मस्कले समेत याद गरेका छन् र आफ्नो सुरक्षामा खतरा आउने हुँदा तयो ट्वीटर अकाउन्टलाई हटाउन पनि आग्रह गरेका छन् जसका लाथि ज्याक स्वीनीले मस्कसँग ५० हजार अमेरिकी डलर माग गरेका हुन् ।
मस्कले भने त्यो अकाउन्ट डिलिट गर्नका लागि ५ हजार अमेरिकी डलर दिने भनेका छन् । ५० हजार डलर दिएमा मलाइए कलेजको शुल्क तिर्न र एउटा गाडी वा मोडेल थ्री खरिद गर्न दिने स्वीनीको भनाइ छ ।
मस्कले म यसको बारेमा विचार गर्छ भनेर बताएका छन् र त्यसपछि दुवै पक्षबाट अरु कुनै कुरा गरिएको छैन् ।
