आईसीटी समाचार
एआईको प्रयोग गरी विशिष्ट व्यक्तिहरुको चरित्र हत्या गर्ने उद्देश्यका साथ भ्रामक भिडियो बनाउने २२ वर्षिय युवक पक्राउ परेका छन् ।
साइबर व्यूरोले साउन ३२ गते सिन्धुपाल्चोकबाट एआईको प्रयोग गरी विशिष्ट व्यक्तिहरुको चरित्र हत्या गर्ने बाजुराका २२ वर्षिय रमेश बहादुर रावतलाई पक्राउ गरेको हो ।
उनले सामाजिक सञ्जाल, अन्य डिजिटल प्लेटफर्म र एआई लगायतका प्रविधिहरूको दुरुपयोग गरी विशिष्ट व्यक्तिहरुलाई लक्षित गरी चरित्रमा निर्मम आघात पुऱ्याउने उद्देश्यका साथ अतिरञ्जित तवरबाट कपोकल्पित र भ्रामक विषयमा श्रव्य दृश्य सामाग्री तयार तथा प्रसारण गरी सामाजिक, पारिवारिक तथा राजनैतिक चरित्र हत्या गर्ने गरेका थिए ।
यस सम्बन्धमा ब्यूरोले प्राविधिक विश्लेषण र अनुसन्धान गर्दा उक्त कार्य गरेको आरोपमा रावतलाई पक्राउ गरी जिल्ला अदालत काठमाडौंको आदेशले ५ दिन म्याद थप भई आवश्यक अनुसन्धान कार्य गरिरहेको छ ।
