आईसीटी समाचार
हाल एआई फोटो एडिटिङ र फोटोबाट अब्जेक्ट र ब्याकग्राउन्ड रिमूवल गर्ने टूलहरू निकै लोकप्रिय बनेका छन्। यसैबीच, धेरैले सामाजिक मिडियामा पनि प्रश्न उठाइरहेका छन् कि एप्पलका डिभाइसहरूमा उपलब्ध एआई फोटो रिमूवल फिचर सस्तो एन्ड्रोइड फोनभन्दा पनि कमजोर तरिकाले काम गर्छ, यसको कारण के हो त ? किन अन्य फोनहरूमा अब्जेक्ट र ब्याकग्राउन्ड रिमूवल फिचर यति राम्रो देखिन्छ भने एप्पलमा नतिजा धेरै राम्रो आउँदैन ? सत्य कुरा यो हो कि यसको मुख्य कारण एप्पलको प्राइवेसी(फोकस्ड नीति संग सम्बन्धित छ। आउनुहोस्, आज यही विषयमा विस्तृत रूपमा बुझौं।
एआई फोटो रिमूवलमा एप्पल किन पछि?
वास्तवमा, एप्पल आफ्ना सबै एआई कार्यहरू अन-डिभाइसमै पूरा गर्छ। यसको मतलब हो कि जब कुनै प्रयोगकर्ताले फोटोबाट कुनै अब्जेक्ट वा ब्याकग्राउन्ड हटाउने प्रयास गर्छ, पूरा प्रक्रिया त्यसको आईफोन वा आईप्याड मा नै सम्पन्न हुन्छ। यसले प्रयोगकर्ताको डाटा प्राइवेसी सुरक्षित राख्छ।
एप्पलको सुरुबाटै फोकस प्राइवेसीमा नै रहिआएको हो। कम्पनीले विशेष ध्यान दिन्छ कि प्रयोगकर्ताको फोटो वा कुनै पनि निजी जानकारी अरू कम्पनीका सर्भर मा नजाओस्। यही कारणले एप्पलका एआई फोटो रिमूवल फिचरमा केहि ढिलाइ वा सीमितता देखिन सक्छ।
एन्ड्रोइड मा यो फिचर किन बढी पावरफुल देखिन्छ ?
अर्कोतिर, एन्ड्रोइड प्लेटफर्महरूमा धेरै एआई फोटो एडिटिङ एपहरू र फिचरहरू सर्भर-साइड एआई प्रोसेसिङमा निर्भर गर्दछन्। सजिलो शब्दमा भन्नुपर्दा, जब प्रयोगकर्ताले फोटो एडिट गर्छ, त्यो फोटोको डाटा इन्टरनेटमार्फत् अरू कम्पनीको सर्भर मा पठाइन्छ, जहाँ एल्गोरिद्मले त्यो फोटोमा प्रोसेस गरी नतिजा देखाउँछ। यस प्रक्रियाले काम धेरै छिटो हुन सक्छ र फिचर बढी पावरफुल देखिन्छ, तर यसको ठूलो नोक्सान यो हुन्छ कि प्रयोगकर्ताको डाटा सर्भर सम्म पुग्छ, जसले प्राइवेसी मा खतरा ल्याउन सक्छ।
टेक एक्सपर्टहरू के भन्छन्र ?
एक्सपर्टहरूले भन्छन् कि एप्पलको यो अन-डिभाइस एआई दृष्टिकोण लामो समयमा प्रयोगकर्ताहरूका लागि निकै फाइदाजनक हुनेछ। यद्यपि यसमा समय बढी लाग्न सक्छ र फिचर अहिले त्यति राम्रोसँग काम नगर्न पनि सक्छ, तर प्रयोगकर्ताको डाटा सुरक्षित रहन्छ।
तथापि एप्पल आफ्नो आईओएस अपडेटहरू मार्फत् लगातार यस एआई फिचरलाई सुधार गर्दैछ। आउँदो केही समयभित्र यो फिचर अझ सक्षम र छिटो हुनसक्छ।
