आईसीटी समाचार
अंग्रेजी नयाँ वर्षको अवसरमा एप्पलले एप्पल टिभी प्लसका कन्टेन्टमा केही दिन निःशुल्क प्रयोग गर्न दिने भएको छ ।
नयाँ वर्षको स्वागतमा विश्वभरका प्रयोगकर्तालाई जनवरी ३ देखि ५ तारिखसम्म एप्पल टिभी प्लसमा निःशुल्क पहुँच दिने व्यवस्था गरेको हो ।
निःशुल्क सेवा प्रयोग गर्न एप्पल आईडीको आवश्यकता पर्नेछ । एप्पल टिभी प्लसमा निःशुल्क पहुँच दिएको यो पजिलो पटक हो ।
एप्पल टिभी प्लसमा लोकप्रिय शोहरू हेर्न सकिने छ । एप्पलको प्रेस विज्ञप्तीमा जनवरी ३ देखि ५ सम्म निःशुल्क प्रयोग गर्न सकिने बताएपनि एक्समा भने ४ देखि ५ सम्म मात्रै हेर्न सकिने बताइएको छ ।
सामान्यतयाः एप्पल टिभी प्लसको मासिक शुल्क ९.९९ अमेरिकी डलर रहेको छ । सदस्य बनेपछि परिवारका ६ जना सदस्यहरूले कन्टेन्टहरू हेर्न सक्छन् ।
