आईसीटी समाचार
एप्पलले आफ्नो अपरेटिङ सिस्टमहरूको ब्रान्डिङमा ऐतिहासिक परिवर्तन गर्ने घोषणा गरेको छ। कम्पनीले वर्ल्ड वाइड डेभलपर कन्फेरेन्स (डब्लुडब्लुडीसी २०२५) सन् २०२६ देखि आफ्ना सम्पूर्ण अपरेटिङ सिस्टमहरूलाई वर्ष-आधारित नामाकरण प्रणालीमा रुपान्तरण गर्ने बताएको हो ।
अबदेखि आईओएस २६, आईप्याड ओएस २६, म्याक ओएस २६, भिजन ओएस २६ र टिभी ओएस २६ नामहरू प्रयोग गरिनेछ र हरेक वर्ष सोही ढाँचामा अगाडि बढाइनेछ ।
हाल एप्पलसँग भिजन प्रो हेडसेटको आगमनपछि ६ वटा फरक अपरेटिङ सिस्टम परिवारहरू छन् र तिनीहरूको छुट्टाछुट्टै नामाकरण प्रणालीले प्रयोगकर्ताहरूलाई पछिल्लो संस्करण बुझ्न गाह्रो पर्न थालेको थियो ।
यद्यपि, एप्पलका आईफोनहरूमा भने हालको आईफोन १५, आईफोन १६ जस्ता परम्परागत नाम प्रणाली यथावत रहनेछ ।
