बाईडूले विकास गर्‍यो यस्तो एआई जसले जनावरको भाषा मानव भाषामा अनुवाद गर्छ

चीनको एक प्रसिद्ध कम्पनी बाईडूले केही महिनाअघि यस्तो एआई उपकरण विकास गरेको छ, जसले जनावरहरूको भाषा मानव भाषामा कन्वर्ट गर्छ। रिपोर्टअनुसार, बेइजिङस्थित उक्त सर्च इन्जिन कम्पनीले नेशनल इन्टेलेक्चुअल प्रोपर्टी एडमिनिस्ट्रेशनमा एउटा पेटेन्ट दर्ता गराएको छ। यसमा जनावरहरूको बोली, तिनीहरूको व्यवहार र शारीरिक विज्ञान सम्बन्धी विश्लेषण गरेर ती सबैलाई मानव भाषामा अनुवाद गरिने उल्लेख छ। जब यो प्रविधि उपलब्ध हुनेछ, मानिसहरूले सजिलै बुझ्नेछन् कि उनीहरूको पालेको जनावरले के सोचिरहेको छ र तिनीहरूको भावनाहरू बुझ्न पनि सजिलो हुनेछ।

कुकुर मालिकहरूले धेरैजसो सोच्दछन् कि उनीहरू आफ्नो पालेको कुकुरको कुरा बुझ्न सकून्, ताकि थाहा हुने थियो कि उनीहरूको कुकुर किन भुकिरहेको छ। प्रविधिको युग आइसकेपछि मानिसहरू द्रुत गतिमा अघि बढिरहेका छन्, र अब मानिसले  पालेको जनावरको भाषा बुझ्न सक्छन्। वास्तवमा, चीनमा यस्तो एआई उपकरण विकास भईरहेको छ, जसले तपाईंलाई बताउनेछ कि तपाईंको पालेको जनावर किन भुकिरहेको छ र उसले के व्यक्त गर्न खोजिरहेको छ।

पेटेन्ट कागजातअनुसार, यो प्रविधिले जनावर र मानवबीच भावनात्मक समझ र संवाद बढाउन सहयोग गर्नेछ। यसले दुई प्रजातिबीचको संचार बढाउनेछ र सम्बन्धहरूमा सुधार ल्याउनेछ। तपाईं आफ्नो पालेको जनावरको भावना राम्रोसँग बुझ्न सक्नुहुनेछ र त्यसले तपाईं र जनावरबीचको सम्बन्ध अझ राम्रो बनाउन मद्दत पुग्नेछ। यो प्रविधि केवल घरपालुवा मालिकहरूका लागि मात्र होइन, जनावरहरूको उपचार गर्ने डाक्टरहरू र विज्ञहरूका लागि समेत अत्यन्त उपयोगी साबित हुन सक्छ, डाक्टरहरूलाई जनावरको उपचारमा सजिलो हुनेछ र उनीहरू जनावरको आवाजबाट थप जानकारी लिन सक्षम हुनेछन्।

अहिलेसम्म यो प्रविधि पूर्णरूपमा तयार भएको छैन। यो परियोजना हाल अनुसन्धान चरणमा छ। बायडू मात्र एक्लो कम्पनी होइन जसले यस्तो प्रणालिमा काम गरिरहेको छ, धेरै वैज्ञानिकहरूले पनि यस्तै एआई उपकरण बनाउने दिशामा काम गरिरहेका छन्। Cetacean Translation Initiative जस्ता पहलहरूले ह्वेल माछाहरूको संवाद बुझ्ने उपकरणमा काम गरिरहेका छन्। Earth Species Project नामक संस्थाले पनि जनावरहरूको भाषा डिकोड गर्ने प्रयास गरिरहेको छ।

यो पहिलो प्रयास होइन जुन जनावरहरूको आवाजलाई बुझ्न खोजिएको हो। पहिले पनि धेरै एपहरू बजारमा आएका थिए जसले पाल्तु जनावरको आवाजलाई मानव भाषामा अनुवाद गर्ने दाबी गर्थे। तर ती मध्ये धेरै एपहरूको रेटिङ राम्रो थिएन र तिनलाई आधारभूत मात्र मानियो। सन् २०१४ मा स्क्यान्डिनेभियन अनुसन्धान प्रयोगशालाले ‘नो मोर वूफ’ उपकरणका लागि १८.७ लाख रुपैयाँभन्दा बढीको रकम उठाएको थियो। तर तीन वर्षपछि, उनीहरूले भने कि यो परियोजना अत्यन्त महँगो भयो र त्यसलाई अगाडि बढाउन नसकिने भयो।