आईसीटी समाचार
‘बेहुली फ्रम मेघौली’ फिल्मको शर्ट क्लिप्सहरू सामाजिक सञ्जालमा राख्ने प्रयोगकर्ताको अकाउन्ट बन्द हुने भएको छ ।
चलचित्रका निर्माता निश्चल बस्नेतले हलमा भिडियो खिचेर आफ्नो सामाजिक संजालमा राख्ने अकाउन्ट बन्द हुने चेतावनी दिएका हुन् ।
शर्ट क्लिप्सहरू खिचेर सामाजिक सञ्जालमा राख्ने विरूद्ध बस्नेतले साइबर व्यूरोमा समेत उजुरी दिइसकेका छन् । केही समययता बेहुली फ्रम मेघौलीको अधिकांश भिडियो क्लिप्सहरु सामाजिक संजाल टिकटक, फेसबुक, इन्स्टाग्राम, टुइटर, युट्युब जस्ता माध्यमहरुमा धेरैजनाले पोस्ट गरेका छन् ।
पाइरेसी अपराध भएको बताउँदै बस्नेतले बौद्धिक सम्पति चोरी नगर्न र यसबारे अरुलाई पनि जानकारी दिन अनुरोध गरेका छन् ।
