आईसीटी समाचार
नेपालको अग्रणी साइबर सेक्युरिटी कम्पनी भैरव टेक्नोलोजीका संस्थापक विजय लिम्बु सेनिहाङले ‘मस्ट इन्नोभेटिभ साइबर सेक्युरिटी सीईओ’ अवार्ड प्राप्त गरेका छन् ।
साइबर सुरक्षामा दश वर्ष भन्दा बढीको अनुभव भएका विजय ग्लोबल सीईओ एक्सिलेन्स अवार्ड अन्तर्गत ‘मस्ट इन्नोभेटिभ साइबर सेक्युरिटी सीईओ २०२४’ (नेपाल) अवार्डबाट सम्मानित भएका हुन् ।
अवार्ड प्राप्त गरेपछि खुसी व्यक्त गर्दै विजय लिम्बुले अवार्डले डिजिटल क्षेत्रलाई सुरक्षित राख्न अथक प्रयास गर्ने भैरव टेकको सम्पूर्ण टिमलाई प्रतिबिम्बित गर्ने बताए ।
यस सम्मानले साइबर सुरक्षाको समाधानमा उत्कृष्ट नेतृत्व प्रदान गर्न र अझै नयाँ नयाँ इन्नोभेसनमा काम गर्न हौसला मिलेको उनको भनाइ छ ।
सन् २०१९ मा स्थापना भएको भैरव टेक नेपालमा मात्र नभएर विश्वमा नै आफ्नो छुट्टै छाप छोड्न सफल भएको छ ।
कम्पनीले सुरक्षा समाधानहरूका साथै बलियो साइबर प्रतिरक्षा विकासका लागि परामर्श सेवाहरू, पेनिट्रेसन टेस्टिङ र जीआरसी लगायतका सेवा पनि उपलब्ध गराउँदै आएको छ ।
