आईसीटी समाचार
चिनियाँ वैज्ञानिकहरूले ५जी स्याटेलाइटको मद्दतले सिधै स्मार्टफोनमा ब्रोडब्यान्ड भिडियो कल गरेर इतिहास रचेका छन् । विश्वमै यस्तो पहिले कहिल्यै भएको थिएन । साउथ चाइना मर्निङ पोस्टको रिपोर्ट अनुसार, सैद्धान्तिक रूपमा यस प्रविधाको प्रयोग गरेर स्याटेलाइटमार्फत सिधै फोनमा भिडियो स्ट्रिमिङ सम्भव हुने बताइएको छ ।
अब प्रश्न उठ्छ—के यसले टिकटकमा अमेरिका फस्न सक्छ? यदि अमेरिका र चीनबीच टिकटक सम्बन्धी डिल असफल भयो र यो एप अमेरिकामा प्रतिबन्धित भयो भने, भविष्यमा ५जी स्याटेलाइट प्रविधिमार्फत अन्तरिक्षबाट सिधै फोनमा टिकटक चलाउने सम्भावना बढ्न सक्छ ।
यद्यपि, यसमा धेरै रेगुलेटरी र कानुनी समस्या आउन सक्छन् । तर ह्याकरहरू वा प्रविधिमा दक्ष व्यक्तिहरू भविष्यमा यस्तो प्रविधाको प्रयोग गरेर आफ्नो डिभाइसमा प्रतिबन्धित एपहरू पनि चलाउन सक्छन् ।
चीनको परीक्षण किन फरक छ?
चीन स्याटेलाइट नेटवर्क ग्रुपले यस परीक्षणको जानकारी दिएको छ । रिपोर्ट अनुसार, यो परीक्षण ५जी नन(टेरेस्ट्रियल नेटवर्कका मापदण्डअनुसार गरिएको हो । यसको अर्थ फोन अन्तर्राष्ट्रिय मान्यता प्राप्त ५जी स्पेसिफिकेसनमार्फत स्याटेलाइटसँग जडान भएको थियो, जसमा कुनै हार्डवेयर थप्न आवश्यक परेन ।
अब कल्पना गर्नुहोस् , कुनै अमेरिकी प्रयोगकर्ताले पनि यही प्रविधामार्फत आफ्नो फोन जडान गर्याे भने, उसले सजिलै प्ले स्टोर वा एप स्टोरबाट त्यस्ता एपहरू डाउनलोड गर्न सक्छ, जुन अमेरिका भित्र प्रतिबन्धित छन् । यद्यपि, चिनियाँ विज्ञहरूका अनुसार सम्भव भए पनि यसमा नियामकीय समस्याहरू आउने सम्भावना धेरै छन् ।
स्याटेलाइट इन्टरनेटको क्षेत्रमा पनि चीन अमेरिकालाई चुनौती दिन अघि बढिरहेको छ । त्यहाँको चाइना स्याटनेट सरकारको अधीनमा सञ्चालन हुने निकाय हो, जसले हजारौँ स्याटेलाइट अन्तरिक्षमा पठाइसकेको छ । रिपोर्ट अनुसार, कम्पनीको सीधै उद्देश्य एलन मस्कको स्टारलिङ्कलाई चुनौती दिनु हो ।
नयाँ प्रविधिबाट चीन के गर्न चाहन्छ?
रिपोर्ट अनुसार, चिनियाँ विज्ञहरूका अनुसार नयाँ प्रविधिको मद्दतले भविष्यमा फोनलाई सिधै स्याटेलाइटसँग जडान गर्न सकिनेछ । यस्तो भएमा परम्परागत मोबाइल टावरहरूमा निर्भरता हट्नेछ ।
टाढा रहेका दुर्गम स्थानहरूमा पनि जहाँ सिग्नलको समस्या छ, त्यहाँ निरन्तर सिग्नल प्राप्त हुनेछ ।
चीनले यस प्रविधाबारे विस्तृत जानकारी नदिएको भए पनि चिन्ता यस कुराको हो कि संसारको कुनै पनि फोनले बिना हार्डवेयर सिधै चिनियाँ स्याटेलाइटसँग जडान गर्न सक्यो भने त्यसबाट जुनसुकै कार्य गरिन सक्नेछ ।
