सन् २०२५ मा गूगलको सबैभन्दा ठूलो फोकस एआई मोडल जेमिनाईमा हुने सीईओ पिचाईको भनाइ

गुगलका सीईओ सुन्दर पिचाईले सन् २०२५ मा कम्पनीको ‘सबैभन्दा ठूलो फोकस’ एआई मोडल जेमिनाईमा हुने बताएका छन् ।

सीएनबीसीका अनुसार, डिसेम्बर १८ मा भएको रणनीति बैठकबाट प्राप्त अडियोमा पिचाई र अन्य कार्यकारीहरूले आउँदो वर्षका प्राथमिकताहरू प्रस्तुत गरेका थिए ।

‘सन् २०२५ धेरै महत्त्वपूर्ण हुने मैले सोचेको छु,’ पीचाईले भने, ‘मलाई लाग्छ, यो क्षणको जरूरीलाई आन्तरिक बनाउन र कम्पनीको रूपमा छिटो अगाडि बढ्नु आवश्यक छ ।’

यसले विशेष गरी टेक कम्पनीहरू जस्तै गुगलले एआईमा भारी लगानी गरिरहेको, तर प्रायः मिश्रित नतिजाका साथ देखिने अवस्थालाई इंगित गरेको छ ।

पिचाईले कम्पनीलाई एआईतर्फ केही कुरा सुधार गर्न बाँकी रहेको स्वीकार गरेका छन् । उनले जेमिनाई एप (कम्पनीको नामकै एआई मोडेलमा आधारित) लाई ‘बलियो गतिको’ रूपमा वर्णन गर्दै सन् २०२५ मा ग्याप बन्द गर्न र त्यहाँ नेतृत्वको स्थान स्थापित गर्न काम गर्नुपर्ने बताए । ‘सन् २०२५ मा उपभोक्ता पक्षमा जेमिनाई स्केलिङ हाम्रो ठूलो प्राथमिकता हुनेछ,’ उनले भने।