आईसीटी समाचार
देशकै अग्रणी तथा ठुलो नेटवर्क सेवा प्रदायक कम्पनी क्लासिक टेकले ‘बुलेट बाइक सरर, इन्टरनेट टिभी फरर’ अफर सार्वजनिक गरेको छ ।
यस अफर अन्तर्गत क्लासिक टेकको इन्टरनेट र टिभीको शुल्क भुक्तानी सेल पे वालेटबाट गर्दा एकजना भाग्यशाली ग्राहकले बम्पर उपहार अन्तर्गत रोयल इनफिल्ड क्लासिक ३५० सीसीको बुलेट बाइक जित्न सक्नेछन् ।
त्यति मात्र नभई हरेक महिना म्याकबुक एयर, आईप्याड र एप्पल वाच जित्ने अवसर पनि रहेको छ । उक्त अफरमा पुराना ग्राहकका लागि रिचार्ज अफरमा ३२५ एमबिपिएससहित २०० बढी एचडी र एसडी च्यानल च्यानल रहेको इन्टरनेट टिभी ७९९ रूपैयाँ प्रति महिनामा उपलब्ध हुनेछ ।
साथै नयाँ ग्राहकका लागि २०० एमबिपिएस इन्टरनेट ३ महिनाको मात्र ३३ सय रूपैयाँमा पाइने छ, जसमा वाईफाई सिक्स राउटरसहितको प्याकेज समेत रहेको छ ।
अफरहरु आउने कार्तिक मसान्तसम्म मात्र रहेको पनि कम्पनीले जनाएको छ । आफ्ना ग्राहक वर्गहरुलाई मध्यनजर गर्दै २४ घण्टा सेवा दिदै आएको छ ।
डिजिटल प्रविधिको उपयोगसँगै बिना झन्झट रकम भुक्तानी गर्न सकिने भएकोले आफ्ना नयाँ तथा पुराना ग्राहक वर्गहरुलाई इन्टरनेट टिभीको भुक्तानी सेल पे मार्फत नै गर्न कम्पनीले आग्रह गरेको छ ।
