आईसीटी समाचार
मेरो कोडिङ क्लासले ‘कोडिङ किकस्टार्ट’ आयोजना गर्ने भएको छ । पुस १७ गतेदेखि मेरो कोडिङ क्लासले कोडिङ किकस्टार्टको दोस्रो संस्करण आयोजना गर्न लागेको हो ।
कक्षा ३ देखि प्लस टुसम्मका विद्यार्थीलाई लक्षित गरी कोडिङ प्रतियोगिता कोडिङ किकस्टार्ट सुरू गर्न लागेको मेरो कोडिङ क्लासले जनाएको छ । पुस १७ गतेबाट कोडिङको वर्कशप सुरू हुनेछ । यस प्रतियोगिता सहभागी हुन कुनै कोडिङको अनुभव चाहिने छैन् । मेरो कोडिङ क्लासले नै १० दिनको कोडिङ वर्कशप गराउने छ ।
विद्यार्थीहरूको क्षमतालाई ध्यानमा राख्दै कक्षा अनुसार कोडिङ सिकाइने मेरो कोडिङ क्लासका संस्थापक वसन्त पन्तले बताए ।कोडिङ किकस्टार्ट ३ देखि ६ कक्षासम्म विद्यार्थीलाई जुनियर क्याटोगोरी, ७ देखि ९ कक्षासम्मका लागि मिड क्याटोगोरी र १० देखि १२ कक्षाका विद्यार्थीलाई सिनियर क्याटोगोरीमा वर्गीकरण गरिएको छ ।
जुनियरलाई स्क्र्याच र मिडलाई पाइथन र सिनियर क्याटोगोरीलाई वेब डेभलपमेन्ट सिकाइने उनले जानकारी दिए । कोडिङ किकस्टार्ट सहभागी हुन प्रत्येक विद्यार्थीले २५०० रूपैयाँ शुल्क तिर्नुपर्नेछ । विद्यालयले पनि विद्यार्थीलाई यस कार्यक्रममा सहभागी गराउन सक्ने छन् ।
मेरो कोडिङसँग सहकार्य गरेपछि विद्यालयमा पुगेरै मेरो कोडिङले कोडिङ वर्कशप सञ्चालन गर्नेछ । कोडिङ किकस्टार्ट आगामी जेठ ७ गतेसम्म सञ्चालन हुनेछ ।
त्यसपछि आगामी जेठ १५ गते विजेताको नाम घोषणा हुनेछ । विभिन्न चरण पार गर्दै प्रथम हुनेलाई ५ लाख रूपैयाँसम्मको छात्रवृत्ति र एउटा ल्यापटप प्रदान गरिने छ ।
त्यस्तै दोस्रोदेखि पाँचौं हुनेलाई मेरो कोडिङ क्लासको कोर्समा ८० प्रतिशत, छैठौंदेखि दशौं हुनेलाई मेरो कोडिङ क्लासको कोर्समा ६० प्रतिशत र ११ औंदेखि १५ औंसम्म हुनेलाई कोर्षमा ५० प्रतिशतसँगै ट्याबलेट, स्मार्टवाच लगायतका डिभाइस उपलब्ध गराइने छ ।
यस बारे थप बुझ्न र कोडिङ किस्टार्टमा सहभागीका लागि फर्म भर्न यहाँ क्लिक गर्नुहोस् ।
