आईसीटी समाचार
गूगलले हालै आफ्नो टेक्स्ट-टू-भिडियो जेनेरेशन टूलको नयाँ भेर्सन भेओ ३ (भीओ ३) ल्याएको थियो । अब एलन मस्कको ग्रोक पनि आफ्ना करोडौं प्रयोगकर्ताका लागि यस्तै सुविधा लिएर आउने भएको छ ।
ग्रोकमा पनि तपाईंले चाँडै टेक्स्ट-टू-भिडियो जेनेरेशन फिचर पाउनु हुनेछ । यो नयाँ फिचर अक्टोबर २०२५ मा सार्वजनिक हुनेछ । एलन मस्कले पनि यस घोषणा रिपोस्ट गर्दै ग्रोक प्लेटफर्ममा पनि उपलब्ध हुने बताएका छन् ।
ग्रोकमा भिडियो बनाउन तपाईंले स्ट्यान्डअलोन ग्रोक एप डाउनलोड गरी सब्सक्राइब गर्नुपर्नेछ । कम्पनीले एक्समा ग्रोक अकाउन्टमार्फत् यो नयाँ फिचरको जानकारी सेयर गरेको छ ।
ग्रोकको भिडियो जेनेरेशन क्यापेबिलिटीज यसका इम्याजिन फिचरबाट पावर हुनेछन्, जो आरोरा इन्जिन (Aurora Engine) मा काम गर्छ । यसको प्रयोग गरेर प्रयोगकर्ताले केवल एक टेक्स्ट प्रम्प्टबाट अडियोसहित भिडियो तयार गर्न सक्नेछन् ।
कम्पनीको भनाइ अनुसार सुपर ग्रोक सब्सक्राइबर्सका लागि यो अक्टोबरमै अर्ली एक्सेसको रूपमा सुरू हुनेछ । अर्थात् यो केवल पेड सब्सक्रिप्शनमा मात्र उपलब्ध हुनेछ, जसको मूल्य ३० डलर प्रति महिना हो ।
प्रयोगकर्ता स्ट्यान्डअलोन ग्रोक एप्पमार्फत् यो नयाँ भिडियो-जेनेरेशन फिचर पहुँच गर्न वेटिङ लिस्ट पनि ज्वाइन गर्न सक्नेछन् । सुपर ग्रोकको यो अपडेट सबैभन्दा पहिले अक्टोबरमा प्रयोगकर्तालाई उपलब्ध गराइनेछ र प्रारम्भिक रोलआउटपछि सबै पेड प्रयोगकर्ताका लागि उपलब्ध गरिने छ ।
