परामर्श सेवाका लागि साइबर सुरक्षा कम्पनीहरूको रोस्टर तयार पार्दै काठमाडौं महानगरपालिका

काठमाडौं महानगरपालिकाले सेक्युरिटी अडिटका लागि साइबर सुरक्षा कम्पनीहरूको रोस्टर (संक्षिप्त सूची) तयार पार्न लागेको छ । 

मंगलबार सूचना प्रकाशित गर्दै महानगरपालिकाको सूचना प्रविधि विभागले आईटी सिस्टमको सेक्युरिटी अडिटका लागि परामर्शदाताहरूलाई सूचीकृत हुन् आह्वान गरेको हो । 

भदौ ३१ गतेसम्म ‘Consulting Service for Security Audit & VAPT of Kathmandu Metropolitan City's IT System’ विषयको गुणस्तर तथा लागत विधिद्वारा गरिने परामर्श सेवाका लागि महानगरपालिकाको मौजुदा सूचीमा सूचीकृत हुन सकिने छ । 

इच्छुक परामर्श दाताहरूले सार्वजनिक खरिद अनुगमन कार्यालयको बोलपत्र खरिद प्रणाली (e-gp system) को Organization Bolpatra Id तथा महानगरको मौजुदा सूचीमा सूचिकृत प्रमाणपत्र सहित आवश्यक कागजात पेश गर्न अनुरोध गरेको हो ।  

त्यसका लागि परामर्श दाताको नाम, आधिकारिक व्यक्ति, आधिकारिक इमेल, फोन नं. सहित उपरोक्त कागजात तथा व्यहोरा खुलाई सूचना प्रविधि विभागको आधिकारिक ई-मेल [email protected] मा पेश गर्न सकिने छ ।