आईसीटी समाचार
अख्तियार दुरूपयोग अनुसन्धान आयोगले कम्प्युटर इन्जिनियर प्रदिप भट्टराईविरूद्ध विशेष अदालतमा मुद्दा दायर गरेको छ ।
नियमित तरिकाबाट प्राप्त हुने राहदानी बनाइदिने भन्दै सेवाग्राहीबाट घुस लिने प्रदिप भट्टराई र घुस वापतको रकम उनको खातामा रकम जम्मा गर्ने सुमी धामी भन्ने सुमित्रा सापकोटाविरूद्ध अदालतमा मुद्दा दायर भएको हो ।
अख्तियारले राहदानी विभाग त्रिपुरेश्वर, परिचय पत्र शाखामा तत्कालीन करारमा कार्यरत कम्प्युटर इन्जिनियर प्रदिप भट्टराईले भ्रष्टाचार निवारण ऐन, २०५९ को दफा ३ अन्तर्गतको कसुरजन्य कार्य गरेको पुष्टि भएको हुँदा निज प्रदिप भट्टराईलाई भ्रष्टाचार निवारण ऐन, २०५९ बमोजिमको कसुरमा बिगो ३४ हजार बिगो र कैद माग गरेको छ ।
यस्तै प्रतिवादी सुमी धामी भन्ने सुमित्रा सापकोटाले प्रतिवादी प्रदिप भट्टराईको घुस/रिसवत लिने कसुरजन्य कार्य गर्न दुरुत्साहन दिएको पुष्टि भएको हुँदा निज सुमी धामी भन्ने सुमित्रा सापकोटालाई भ्रष्टाचार निवारण ऐन, २०५९ अनुसार ३४ हजार बिगो र सजाय माग गरिएको छ ।
