आईसीटी समाचार
विद्युतीय गाडी (ईभी) ब्रान्ड दिपलले नेपाल प्रवेशको पहिलो वर्ष पूरा गरेको छ । नेपालमा सार्वजनिक गरिएको एक वर्षमै दिपलले ८ सयभन्दा बढी ग्राहकको मन र विश्वास जितेर आफूलाई नेपालको १ नम्बरको लक्जरी ईभी ब्रान्डका रूपमा स्थापना गर्न सफल भएको जानकारी दिएको छ ।
ग्राहकको बेजोड साथ र सहयोगबाट एमएडब्लू वृद्धि अटोकर्पले दिपललाई ‘इलेक्टिक मोबिलिटी र इनोभेसन’ मा आफूलाई स्थापित गरेको हो । नेपालका लागि दिपलको आधिकारिक वितरक एमएडब्लू वृद्धि अटोकर्प हो ।
पहिलो वर्ष दिपलले दिपल एस०७, दिपल एल०७, दिपल एस०७ एल र दिपल ई०७ गरी चार प्राविधिक रूपमा उच्चकोटीको ईभी मोडेल सार्वजनिक गरेको छ । यी ईभीमा उपलब्ध ‘जेस्चर कन्ट्रोल’, ‘एआर–एचयूडी’, ‘सनफ्लावर टचस्क्रिन’ जस्ता १० भन्दा बढी ‘इन्डस्ट्री–फर्स्ट’ फिचरका माध्यमबाट दिपलले ईभीबाट ग्राहकले गर्ने अपेक्षा पुनर्परिभाषित गरेको छ ।
एमएडब्लू वृद्धिले हाल नेपालका ९६ भन्दा बढी स्थानमा चार्जिंङ स्टेसन सञ्चालन गर्दै आएको छ, जुन नेपालकै सबैभन्दा ठूलो सञ्जाल हो । यस अवधिमा दिपलले नेपालका लोकप्रिय क्रिकेट आइकन तथा पूर्वकप्तान पारस खड्कालाई आफ्नो आधिकारिक ‘ब्रान्ड एम्बासडर’ बनाएको छ भने नीति शाह, सन्दीप क्षेत्री, प्रतिश जीसी, सुशान्त केसी, स्वेता खड्का, जोन चाम्लिङ राई जस्ता देशका ३० भन्दा बढी चर्चित सेलिब्रिटी र खेलाडीले दिपललाई आफ्नो यात्राको साथी बनाएका छन् ।
दिपलले क्रिकेट लेजेन्ड ब्रायन लारा र बलिउड गायक सोनु निगमजस्ता हस्तीलाई पनि नेपाल ल्याएर ब्रान्डको उपस्थिति माथि पुर्याउनुका साथै नेपाल पनि अन्तर्राष्ट्रिय सहकार्यका लागि गन्तव्य हुन सक्छ भन्ने देखाएको छ ।
सार्वजनिक भएको पहिलो वर्ष एमएडब्लु वृद्धिले चांगान अटोबाट नेपालमा ‘ईभी इनोभेसन’ मार्फत ‘ग्रिन मोबिलिटी’ मा योगदान पुर्याएको भन्दै ‘सांग्रिला न्यु इनर्जी अवार्ड‘ पाएको थियो । यसबाहेक ‘टेकलेख’ ले दिपल एस०७ लाई ‘एसयूभी अफ द इयर २०२४’ बाट सम्मान गरेको थियो ।
