दीपेन्द्र सिंह ऐरी ओमोड एन्ड जेइकोको ब्रान्ड एम्बेस्डर नियुक्त

दीपेन्द्र सिंह ऐरी ओमोड एन्ड जेइकोको ब्रान्ड एम्बेस्डर नियुक्त भएका छन् । ओमोडा र जेइकोको लागि नेपालमा आधिकारिक वितरक एसपीजी अटोमोबाइल्स प्रालिले नेपाल प्रिमियर लिग (एनपीएल) २०२४ को ओमोडा इलेक्ट्रिफाइङ प्लेयर अफ द टुर्नामेन्ट तथा सुदूरपश्चिम रोयल्सका कप्तान रहेका ऐरीलाई ब्रान्ड दूत घोषणा गरेको हाे। 

नवप्रवर्तन र फ्यूचरिस्टिक टेक्नोलोजीमा अग्रणी रहँदै ईभी बजारमा उल्लेखनीय सफलता हासिल गरेको ब्रान्ड ओमोडा एन्ड जेइकोसँग आबद्ध हुन पाउँदा म अत्यन्त उत्साहित भएको ऐरीले बताए । 
एनपीएलको ‘इलेक्ट्रिफाइड प्लेयर अफ द टुर्नामेन्ट’को पुरस्कारस्वरूप ओमोडा इफाइभको साँचो हस्तान्तरण गर्दै एसपीजी अटोमोबाइल्सका निर्देशक गौरव सारडाले अन्तर्राष्ट्रिय क्रिकेट काउन्सिलको पुरुष टी२० अलराउन्डरमा दोस्रो वरीयतामा रहेका ऐरी नेपाली तथा विश्व क्रिकेटका उदाउँदो ताराहरूमध्ये एक रहेको बताए ।