आईसीटी समाचार
इन्टरनेट सेवा प्रदायक डिशहोम फाइबरनेटले विभिन्न वार्षिक प्याकेजमा भारी छुट दिने भएको छ । यस अन्तर्गत अब नयाँ ग्राहकले ५० एमबीपीएसको वार्षिक प्याकेज मात्र ६ हजार ६८५ रूपैयाँ (भयाट बाहेक) मा जडान गर्न सक्नेछन ।
साथै ग्राहकले वार्षिक प्याकेज जडान गर्दा फाईभ–जी (डुअल ब्यान्ड) राउटर पनि सितैमा पाउने कम्पनीले जनाएको छ । यस अघि यही ५० एमबीपीएसको वार्षिक प्याकेजको मुल्य ७ हजार ७९९ रूपैयाँ रहेको थियो ।
अफर अन्तर्गत कम्पनीले ७५ एमबिपिएस इन्टरनेट वार्षिक ७ हजार ५०९ रूपैयाँ, १०० एमबिपिएसको इन्टरनेट वार्षिक ८ हजार ३१३ रूपैयाँ, १५० एमबिपिएसको वार्षिक मूल्य ९ हजार ६४ रूपैयाँ २०० एमबिपिएसको इन्टरनेट ९ हजार २४८ रूपैयाँ, २५० एमबिपिएस इन्टरनेट वार्षिक १० हजार ६४६ रूपैयाँ र ३०० एमबिपिएसको इन्टरनेट वार्षिक १२ हजार ३४ रूपैयाँमा दिनेछ ।
यो १२ महिने योजना अफर अन्तर्गत नयाँ ग्राहकले ५० एमबीपीएस देखि ३ सय एमबीपीएस सम्मका प्याकेजहरु जडान गर्न सक्नेछन्, जसमा ग्राहकहरुले ५० एमबीपीएसदेखि २ सय ५० एमबीपीएस सम्मको वार्षिक प्याकेज जडान गर्दा फाईभ–जी राउटर पाउनेछन् भने ३ सय एमबीपीएसको प्याकेज लिने ग्राहकले वाईफाई–६ राउटर पाउनेछन् ।
