आईसीटी समाचार
काठमाडौं । सरकारले देशभरका सबै सरकारी कार्यालयमा विद्युतीय हाजिरी प्रणाली अनिवार्य रूपमा लागू गर्न निर्देशन दिएको छ । संघीय मामिला तथा सामान्य प्रशासन मन्त्रालयले अनिवार्य रूपमा लागू गर्न निर्देशन दिएको हो ।
सूचना जारी गर्दै सबै मन्त्रालय, विभाग, कार्यालय, निकाय तथा स्थानीय तहलाई पत्राचार गर्दै कर्मचारीको उपस्थिति अभिलेखीकरणलाई डिजिटल प्रणालीमार्फत मात्र गर्नुपर्ने व्यवस्था गर्न भनिएको छ ।
मन्त्रालयले दैनिक हाजिरीको सूक्ष्म अनुगमन गर्न र सबै कर्मचारीको आउने जाने समय विद्युतीय प्रणालीमै अनिवार्य रूपमा रेकर्ड गर्न निर्देशन दिएको छ ।
त्यस्तै, प्रत्येक १५ दिनको हाजिरी विवरण प्रिन्ट गरी प्रमाणित गरेर सुरक्षित राख्नुपर्ने व्यवस्था पनि लागू गर्न भनिएको छ । यो कदमले सरकारी सेवा प्रणालीलाई पारदर्शी, जवाफदेही र प्रविधिमैत्री बनाउने अपेक्षा गरिएको छ ।
