आईसीटी समाचार
सूचना प्रविधिमा महिला (डब्लुआईआईटी) र सनवे कलेज काठमाण्डौले आयोजना गरेको रिसर्च एण्ड डाटा स्किल्स फर विमेन इन टेक कार्यशाला ३० जनवरी २०२६ मा सनवे कलेज, मैतिदेवीमा सम्पन्न भयो ।
बिहान ९ः४५ देखि साँझ ५ः०० सम्म चलेको कार्यक्रममा सहभागी महिलाहरूलाई अनुसन्धान (रिसर्च), डाटा सङ्कलन र व्यवस्थापन (डाटा कलेक्सन एण्ड म्यानेजमेन्ट), डाटा विश्लेषण र भिजुअलाइजेसन (डाटा एनालिसिस एण्ड भिजुअलाइजेसन) सम्बन्धी व्यावहारिक ज्ञान र हस्तकला सिकाईएको थियो ।
प्रमुख अतिथि वक्ता प्रा.डा टीस्टा प्रसाइ जोशी, (सिनियर साइन्टिस्ट, नास्ट) ले अनुसन्धान प्रकाशन र अनुसन्धान–आधारित करियरका अवसरबारे मार्गदर्शन गरिन् भने माला दीप उपाध्याय र एलिशा राजभण्डारीले मेन्टरको रूपमा व्यावहारिक सत्रहरू सञ्चालन गरे ।
सहभागीहरूलाई गूगल स्कलर, कोबो टुलबक्स, फ्लोरिश, जोटेरो तथा एआई उपकरणहरू सम्बन्धी ह्यान्डस अन अभ्यास प्रदान गरियो जसले सहभागीहरूको डाटा–साक्षरता र अनुसन्धान क्षमता बढाएको आयोजकले बताए । ५९ जना सहभागी यस कार्यक्रमले महिलाहरूलाई टेक क्षेत्रमा अनुसन्धान र डेटा–आधारित निर्णयमा सक्रिय सहभागी बन्न प्रेरित गरेको छ ।
