आईसीटी समाचार
फुड डेलिभरी कम्पनी फुडमान्डुले दसैँको अवसरमा ‘बडा धमाका’ नामक क्याम्पेन लिएर आएको छ । हरेक महिनाको पहिलो हफ्ता चल्ने फूडमान्डु डबल धमाका क्याम्पेन यस दसैँमा झनै ठुलो हुने कम्पनीले जनाएको छ ।
बडा धमाका क्याम्पेन अन्तर्गत ग्राहकहरुले काठमाडौं, पोखरा र चितवनका ६० भन्दा बढी रेस्टुरेन्टहरूको सबै आइटममा ५० प्रतिशतसम्मको छुट पाउन सक्नेछन् ।
फुडमान्डुकी ब्रान्ड एंड मार्केटिङ मेनेजर, इनेशा भट्टराईले ग्राहकहरूका लागि यो चाडपर्व अझ बढी रमाइलो बनाउने र स्वादिष्ट परिकारहरुका साथसाथै आकर्षक छुटको उपलब्ध गराउने लक्ष्यसहित अफर ल्याएको बताइन् ।
यो बडा धमाका क्याम्पेनले ग्राहकहरुको चाडपर्वको मौसममा थप सहजता र स्वादिष्टता ल्याउने र प्रियजनहरूसँग अविस्मरणीय पलहरू सिर्जना गर्न मद्दत पुग्ने फुडमाण्डुको विश्वास छ । क्याम्पेन असोज ३ देखि असोज २३ सम्म चल्नेछ।
