आईसीटी समाचार
आईसीसी पुरूष टी २० विश्वकप एशिया छनौट अन्तर्गतको सेमिफाइनल खेल मैदानमा आएर हेर्न आईएमई पेबाट टिकट काट्न क्यानले अनुरोध गरेको छ ।
शुक्रबार मुलपानी क्रिकेट मैदानमा हुने नेपाल र यूएईबीच सेमिफाइनल खेलको लागि ३५०० टिकट आईएमई पेबाट काट्ट सकिने छ ।
मैदानमा कुनै टिकट बुथ नहुने र निश्चित सङ्ख्यामा उपलब्ध हुने सेमिफाइनल खेलको टिकट आईएमई पेबाट काट्न सकिने क्यानले बताएको छ ।
‘सम्पूर्ण दर्शकहरुलाई नेपाल र युएइबिच हुने सेमिफाइनल सकभर खेल घरमै बसेर हेर्नु हुन हामी हार्दिक अनुरोध गर्दछौं,’ क्यानले सूचनामा भनेको छ, ‘साथै नेपाल क्रिकेट संघ, क्रिकेटसँग सम्बन्धित सबै अतिथिज्युहरुलाई समेत मुलपानी मैदानको नेपाल र युएइबिच हुने सेमिफाइनल खेलको पास वितरण गरिने छैन् ।’
