आईसीटी समाचार
नेपालमा रिड्डाराको आधिकारिक वितरक सीजी मोटर्सले नेपालमा पूर्ण विद्युतीय पिकअफ ‘रिड्डारा आरडी सिक्स’ सार्वजनिक गरेको छ ।
हात्तिबन रिसोर्स फर्पिङमा ट्रयाक एडभेन्चर ड्राइभ गरेर रिड्डारा आरडी सिक्स सार्वजनिक गरिएको हो । सोही कार्यक्रममा १० वटा रिड्डारा पनि बुकिङ भएको छ ।
अत्याधुनिक प्रविधि र उत्कृष्ट कार्यक्षमताका साथ डिजाइन गरिएको रिड्डाराले पिकअप क्षेत्रमास नयाँ मानक स्थापित गर्ने बताइएको छ ।
यसमा ४२४ किलोमिटरको उत्कृष्ट रञ्ज र ७३ किलोवाट क्षमताको ब्याट्री रहेको छ, जुन कार्यक्षमता र वातावरणमैत्री प्रविधिको अद्वितीय संयोजन हो ।
नेपालका विविध भूगोल र सडक अवस्थालाई मध्यनजर गर्दै रिड्डारा ७ फरक-फरक ड्राइभिङ मोडहरू रहेका छन्, जसले सबै प्रकारका सडकमा सहज र सुरक्षित सवारी सुनिश्चित गर्छ ।
साथै, ५४० डिग्री भ्यू क्यामेरा प्रणाली समेत समावेश गरिएको छ, जसले पूर्ण दृश्य प्रदान गरेर सवारी सुरक्षालाई थप मजबुत बनाउने छ ।
२२५ एमएम ग्राउन्ड क्लियरेन्स गाडीको प्रारम्भिक मूल्य ७९.९९ लाख रूपैयाँ तोकिएको छ । रिड्डाराको पिकअपले चीनमा नम्बर वान ईभी पिकअपको रूपमा रहेको छ ।
