इन्द्रजात्राको रथ कहाँ आईपुग्यो ? गल्ली म्याप्सबाटै लाइभ लोकेसन थाहा पाइने

गल्ली म्याप्सले इन्द्रजात्राको लाइभ लोकेसन देखाउने भएको छ । काठमाडौं उपत्यकाको ठूलो जात्राको रूपमा परिचित इन्द्रजात्राका लागि गल्ली म्याप्सले लाइभ लोकेसन फिचर ल्याएको हो । 

गत म्याप्सले गत वर्षदेखि इन्द्रजात्राका लागि लाइभ लोकेसन फिचर ल्याएको थियो । यस वर्ष अझै परिस्कृत गरेर इन्द्रजात्राका लागि लाइभ लोकेसन फिचर ल्याइएको कम्पनीले जनाएको छ । 
असोज १ गते मंगलबारदेखि काठमाडौं उपत्यकामा इन्द्रजात्रा सुरू हुँदैछ, जसमा रथ कहाँ आयो, पुलुकिसी कहाँ नाचिरहेको छ, लाखे कहाँ छ भन्ने जानकारी गल्ली म्याप्सको लाईभ लोकेसनबाटै पाइने छ ।

यो फिचर प्रयोग गर्न प्लेस्टोर र एप स्टोरबाट गल्ली म्याप्स डाउनलोड गर्न सकिने छ वा एपलाई अपडेट गर्न सकिने छ । लाईभ लोकेसनका लागि सबै जीपीएस राखिने छ । लाइभ लोकेसन हेरेर रथ, पुलुकिसी, लाखे, सेवा भकु भएको ठाउँमा जान कति समय लाग्छ त्यसको समेत जानकारी पाइने छ ।

गल्ली म्याप्स नेपालको आफ्नै म्यापिङ प्लेटफर्म हो । यसमा ३६० डिग्री म्यापिङ, घर नम्बर, राउटिङ लगायतका सुविधा छन् । यसमा ड्रोनबाट खिचेर काठमाडौं उपत्यकाको म्याप राखिएको छ, जुन अन्य म्याप प्लेटफर्म भन्दा स्पष्ट छ ।