स्नेहा झा
गूगल क्रोम संसारका अर्बौं मानिसहरूद्वारा प्रयोग गरिने ब्राउजर हो । क्रोम आज सबैभन्दा धेरै प्रयोग गरिएको ब्राउजर हो । यसको मुख्य कारण हो, पूर्वनिर्धारित रूपमा एन्ड्रोइड डिभाइसहरूसँग आउनु ।
स्टक एन्ड्रोइड फोनहरूमा क्रोम बाहेक अरू कुनै ब्राउजर छैन् । मानिसहरूले स्मार्टफोनदेखि ल्यापटप र कम्प्युटरसम्म क्रोम प्रयोग गरिरहेका छन् ।
तपाईंहरू मध्ये धेरैले क्रोम प्रयोग गरिरहनुभएको होला तर कहिलेकाहीँ क्रोम यति ढिलो हुन्छ कि यसले समस्या बनाउँछ । क्रोम ट्याबहरू पनि एक क्लिकमा बन्द हुँदैनन् ।
क्रोम ब्राउजरमा पूर्वनिर्धारित रूपमा 'हार्डवेयर एक्सेलेरेसन’ अफ हुन्छ । तर यसलाई अन गरेर तपाईंले क्रोम ब्राउजरलाई द्रुत बनाउन सक्नुहुन्छ ।
सामान्यतया, क्रोम ब्राउजरले वेब पेज रेन्डर गर्न तपाईंको प्रणालीको सीपीयू र सफ्टवेयर प्रयोग गर्दछ । तर 'हार्डवेयर एक्सेलेरेशन’ अन गरेपछि, ब्राउजरले तपाईंको प्रणालीको ग्राफिक्स कार्ड प्रयोग गर्न थाल्छ, त्यसपछि क्रोमको गति बढ्छ । यो सुविधा भारी ग्राफिक्स पेज भएको साइटको लागि उत्तम छ ।
क्रोममा हार्डवेयर एक्सेलेरेसन कसरी अन गर्ने?
सबैभन्दा पहिले गुगल क्रोम ब्राउजर खोल्नुहोस् । अब दायाँ छेउमा देखिने तीनवटा थोप्लाहरूमा क्लिक गर्नुहोस् ।
यसपछि तल देखाइएको ’सेटिङ्स’ बटन क्लिक गर्नुहोस् । यसपछि ’सिस्टम’ को विकल्पमा क्लिक गर्नुहोस् ।
अब तपाईंले ’यूज हार्डवेयर एक्सेलेरेशन वेन अभाइलेबल’ को विकल्प देख्नुहुनेछ । यसलाई सुचारु गर्नुुहोस् ।
अब क्रोमले तपाईंलाई रि लन्च अप्सन दिन्छ । रि लन्चका लागि ओक गरिदिनुहोस् । यसपछि तपाईको क्रोम ब्राउजर छिटो हुनेछ ।
