आईसीटी समाचार
गूगलले गूगल वान एआई प्रिमियम योजना विद्यार्थीहरूका लागि निःशुल्क उपलब्ध गराउने भएको छ । यो योजना विशेष गरी कलेज पढ्ने विद्यार्थीहरूका लागि ल्याइएको हो ।
सामान्यतया गूगल वान एआई प्रिमियम सेवा प्रयोग गर्न मासिल २० अमेरिकी डलर लाग्छ । तर कलेजका उपयोग गर्न पाउने छन् ।
यसमा जेमिनाई एड्भान्स, गूगल वर्कस्पेशभित्र एआई र जेमिनाई लाइभ जस्ता सुविधाहरू उपलब्ध छन् । साथै, यो गूगल वान योजना अन्तर्गत २ टिबी गूगल ड्राइभ स्टोरेज पनि पाउने छन् । यसमा साइन अप गर्नको लागि तपाईंको उमेर १८ वर्ष वा माथि हुनुपर्नेछ भने .edu इमेल ठेगाना आवश्यक पर्नेछ ।
यो योजनामा २०२५ जुन ३० भन्दा अघि नै सहभागी भइसक्नुपर्नेछ । एकपटक ज्वाइन गरेपछि, तपाईंलाई जुलाई २०२६ सम्म निःशुल्क प्रयोग गर्न दिइनेछ । त्यसपछि फेरि प्रयोग गर्न विद्यार्थी भएको प्रमाण पेश गर्नुपर्नेछ ।
यदि कुनै विद्यार्थी पहिले नै गुगल वन एआई प्रिमियम सब्सक्राइबर भएमा हालको सब्सक्रिप्शन नवीकरण हुनु अघि रद्द गर्नुपर्नेछ र त्यसपछि मात्र यो अफर क्लेम गर्न सकिनेछ ।
