आईसीटी समाचार
गुगलले मंगलवार राति आयोजना गरेको गूगल आइओ २०२५ इभेन्टमा आफ्नो कृत्रिम बुद्धिमत्ता मोडल जेमिनाई २.५ का लागि थुप्रै शक्तिशाली फिचरहरूको घोषणा गरेको छ । टेक्नोलोजी क्षेत्रको दिग्गज कम्पनीले आफ्नो संवाद सहायक च्याटबोटका लागि डिप थिङ्क नामक एउटा नयाँ उन्नत तर्क क्षमतायुक्त फिचर सार्वजनिक गरेको छ, जुन छिट्टै जेमिनाई २.५ प्रो मोडलमा उपलब्ध हुने छ ।
यो फिचरलाई तपाईं च्याटजीपीटी को थिङ्क फर लङ्गर फिचरको जस्तै रूपमा बुझ्न सक्नुहुन्छ । त्यति मात्र होइन, गुगलले जेमिनाई मोडलमा नेटिभ अडियो आउटपुट फिचर पनि थपेको छ । यो नयाँ प्रविधिले एआईलाई अझ स्वाभाविक र मानिससरह बोल्न सक्ने क्षमता दिन्छ । यो फिचर लाइभ एपीआई मार्फत उपलब्ध हुनेछ ।
विशेष कुरा के छ भने, प्रयोगकर्ताले अब बोल्ने शैली, उच्चारण र स्वरको लयलाई आफ्नो अनुकूल नियन्त्रण गर्न सक्नेछन् । यससँगै गुगलले डेभलपर्सका लागि पनि नयाँ क्षमताहरू ल्याएको छ ।
यसमा कम्पनीले थट समरी पनि जोडेको छ — जसलाई सरल भाषामा भन्नुपर्दा, अब एआई मोडलले आफ्नो प्रत्येक उत्तरसँगै सोच्ने प्रक्रियाको विस्तृत सारांश पनि देखाउनेछ । त्यति मात्र होइन, गुगलले हालै जेमिनाई २.५ प्रो को अपडेटेड संस्करण पनि सार्वजनिक गरेको छ, जसमा अझ राम्रो कोडिङ क्षमताहरू दिइएको छ ।
यो मोडल वेबडेभ एरेना रुएलएम एरेना जस्ता बेंचमार्क लिडरबोर्डहरूमा शीर्ष स्थानमा रहँदै आएको छ ।
अब कुरा गरौँ डिप थिङ्क मोडको —
यो फिचरले जेमिनी २.५ प्रो लाई कुनै पनि प्रश्नको उत्तर दिनुअघि धेरै पक्षहरू सोच्न र विश्लेषण गर्न सक्ने शक्ति दिन्छ । गुगलका अनुसार, यसले पुराना मोडलहरूको तुलनामा नयाँ र अनुसन्धान आधारित प्रविधि प्रयोग गरिरहेको छ ।
परीक्षणको क्रममा जेमिनी २.५ प्रो ले २०२५ यूएएएमओ जस्तो गाह्रो गणित सम्बन्धी बेंचमार्कमा ४९.४५ स्कोर गरेको देखिएको छ । त्यसैगरी, यसले लाइभकोडबेञ्च भी ६ र एमएमएमयूुमा पनि उत्कृष्ट प्रदर्शन गरेको छ ।
हालका लागि ुडिप थिङ्कु परीक्षण चरणमा नै छ ।
