हरित ऊर्जाको महत्त्व दर्शाउने शर्ट भिडियो बनाउँदा ४४ हजार नगद जित्ने मौका

समृद्धिका लागि हरित ऊर्जाको महत्त्व दर्शाउने शर्ट भिडियो बनाउँदा ४४ हजार नगद जित्न सकिने भएको छ । 

समृद्धिका लागि हरित ऊर्जा भन्ने नारासहित आउँदो वैशाख १२ गतेदेखि १४ गतेसम्म आयोजना हुने हिमालयन हाइड्रो एक्स्पो २०२४ ले हरित उर्जाको महत्त्वको विषयमा शर्ट भिडियो प्रतियोगिता आयोजना गर्दैछ । 

सर्ट भिडियो बनाउँदा ९० सेकेण्डको भिडियोमा समृद्धिका लागि हरित ऊर्जाको महत्व दर्शाउनुपर्ने छ । उक्त भिडियोहरु आयोजक संस्था इप्पानको वेबसाइट (www.ippan.org.np), इभेन्ट व्यवस्थापक इभेन्ट सोलुसनको वेबसाइट (www.eventsolutionnepal.com.np), हिमालयन हाइड्रो एक्स्पोको वेबसाइट (www.himalayanhydroexpo.com) तथा अफिसियल सामाजिक सञ्जालहरु फेसबुक (Independent Power Producers’ Association, Nepal -IPPAN), इन्स्टाग्राम, युट्युब, लिंकडिन (Independent Power Producers’ Association, Nepal -IPPAN) लगायतमा राखिने छ । 

सबैभन्दा धेरै लाइक, शेयर र कमेन्ट पाउने भिडियोलाई प्रथम र द्वितीय पुरस्कार दिइने छ। प्रथम पुरस्कार ४४ हजार र द्वितीय पुरस्कार २२ हजार रुपैयाँ रहेको छ । भिडियो पठाउने अन्तिम मिति २७ चैत रहेको छ भने ११ वैशाख २०८१ सम्म आउने लाइक र कमेन्टलाई प्रतिस्पर्धामा गणना गरिनेछ ।

तीन दिनसम्म सञ्चालन हुने चौथो संस्करणको हिमालयन हाइड्रो एक्स्पोमा १०० भन्दा धेरै स्वदेशी तथा विदेशी कम्पनीहरुका स्टल रहनुका साथै विभिन्न ७ वटा विषयमा सेमिनार सञ्चालन हुनेछन् । ५० हजार भन्दा धेरै अवलोकन कर्ताले एक्स्पो अवलोकन गर्ने अपेक्षा गरिएको छ ।