आईसीटी समाचार
तपाईंको फोनले तपाईंको हरेक गतिविधि थाहा पाउँछ भन्ने सुन्दा अचम्म लाग्छ? यसको रहस्य लुकेका साना सेन्सरहरूमा छ।
गएको केही वर्षमा स्मार्टफोनहरू केवल कल र म्यासेजको उपकरण नभई जीवनको अनिवार्य हिस्सा बनेका छन्।
तर के तपाईं जान्नुहुन्छ—तपाईंको फोनले तपाईंको वरिपरि भएको वातावरण, चलाइचलन र सुरक्षासम्म कसरी ट्र्याक गर्छ? यसको जवाफ फोन भित्रका विभिन्न सेन्सरहरूमा छ।
१. परिवेश प्रकाश सेन्सर (एम्बिएन्ट लाइट सेन्सर)
जब तपाईं तेज घाममा बाहिर जानुहुन्छ, स्क्रिन आफैं उज्यालो हुन्छ, र कोठामा फर्कँदा घट्छ, यो जादू होइन। फोनमा रहेको परिवेश प्रकाश सेन्सरले वरिपरि प्रकाशको तीव्रता मापन गरेर स्क्रिन उज्यालोलाई एडजस्ट गर्छ। सामान्यतया यो सेन्सर फ्रन्ट क्यामेराको नजिकै राखिन्छ र ब्याट्री बचत तथा आँखालाई तेज प्रकाशबाट बचाउन मद्दत गर्छ।
२. एक्सेलेरोमीटर
फोनको हलचल ट्र्याक गर्ने महत्त्वपूर्ण सेन्सर हो एक्सेलेरोमीटर। जब तपाईं फोन झुकाउनुहुन्छ, टेबलमा राख्दा अन/अफ हुन्छ, वा गेम खेल्दा झुकाइ–घुमाइ हुन्छ, यही सेन्सरले सबै ट्र्याक गर्छ। यो सेन्सर इमेज स्टेबलाइजेसनमा पनि सहयोग पुर्याउँछ, जसले फोटो र भिडियोहरू स्थिर देखिने बनाउँछ।
३. मेग्नेटोमीटर (चुंबकत्व मापन सेन्सर)
अनजान बाटोमा गूगल म्याप्सले तपाईंलाई मार्ग देखाउँछ? यसको रहस्य हो मेग्नेटोमीटर। यसले पृथ्वीको चुंबकीय क्षेत्र पत्ता लगाउँछ र फोनलाई डिजिटल कम्पासझैं काम गर्न मद्दत गर्छ। यसैले तपाईं घुम्दा नक्सा सधैं सही दिशा देखाउँछ।
४. तापक्रम सेन्सर (टेम्परेचर सेन्सर)
पछिल्ला प्रो मोडलहरू, जस्तै गुगल पिक्सेल ८ प्रोमा अब तापक्रम सेन्सर पनि आउँछन्। यसले बाह्य वस्तुहरूको तापक्रम मापन गर्न सक्छ। तपाईं भान्छामा खाना बनाउँदा कराहीको तापक्रमदेखि कोठाको तापसम्म सजिलै ट्र्याक गर्न सकिन्छ।
५. औँठाछाप र अनुहार सेन्सर (फिङ्गरप्रिन्ट र फेस सेन्सर)
फोनको सुरक्षाका लागि फिङ्गरप्रिन्ट र फेस सेन्सर प्रयोग हुन्छन्। फोन अनलक गर्ने वा भुक्तानी प्रमाणिकरणका लागि यी सेन्सरहरूले तपाईंको व्यक्तिगत जानकारी सुरक्षित राख्छन्।
