स्नेहा झा
पछिल्लो समय बजारमा एआईको चर्चा छ । एआई सम्बन्धि विभिन्न टुलहरू बजारमा आइरहेका छन् । यस मध्येको एक टुल हो एआई भ्वाइस । एआई भ्वाइस टुल पछिल्लो समय अपराधीहरूको नयाँ हतियार भएको छ ।
एआई भ्वाइस क्लोनिङको प्रभाव प्राविधिक बजारमा द्रुत गतिमा बढिरहेको छ । यस अपराधमा भ्वाइस क्लोनिङका माध्यमबाट मानिसहरुसँग आर्थिक ठगी हुने गरेको छ । अपराधीहरूले एआई टूलको मद्दतले मानिसहरूको आवाज कपि गर्ने गरेको विभिन्न रिपोर्टमा उल्लेख गरिएको छ ।
कसैको आवाजलाई एआई टुलको सहयोगमा ठ्याक्कै त्यस्तै गरी तयार गर्ने गरिन्छ । अपराधीहरूले यो नक्कली आवाज पीडितका साथी, आफन्त र चिनजानका विरुद्ध प्रयोग गर्छन् । यस अवधिमा अपराधिहरूले उनीहरूबाट पैसा मात्रै नभई कुनै न कुनै प्रकारको विशेष वा गोप्य जानकारी पनि लिन्छन् ।
एआई टूलको मद्दतले सिर्जना गरिएको नक्कली आवाजहरू पहिचान गर्न सजिलो काम होइन् । तर, केही कुरालाई याद राख्दा कुनै पनि प्रकारको हानिबाट बच्न सकिन्छ । अपराधीहरूले नक्कली आवाज प्रयोग गरेर कल गर्दा तिनीहरूले पैसा र केही विशेष जानकारी माग्छन् ।
भ्वाइस क्लोनिङको शिकार हुनबाट बच्नका लागि, तपाईंले कल गर्नेलाई कुनै पनि थप व्यक्तिगत प्रश्न सोध्न सक्नुहुन्छ। विगतको अनुभवमा आधारित केहि जानकारी प्राप्त गर्ने प्रयास पनि गर्नुहोस् । यसो गर्नाले तपाई भ्वाइस क्लोनिङको शिकार हुनबाट बच्न सक्नुहुन्छ । यसबाहेक, यदि केहि गलत देखिन्छ भने, तपाइँ भिडियो कलको मद्दत लिन सक्नुहुन्छ ।
एआई भ्वाइस क्लोनिङ घोटालाबाट कसरी बच्ने ?
एआई भ्वाइस क्लोनिङ स्क्यामहरूबाट बच्नको लागि तपाईंले आफ्नो पैसा र बहुमूल्य जानकारी साझा गर्नु पर्दैन् । यदि कसैले फोन कलमा एप वा वेबसाइटमा जानको लागि कुनै पनि चरण पालना गर्न भन्छन् भने, सावधान हुन आवश्यक छ । अपराधीहरूबाट बच्नका लागि, फोन गरेकै भरमा पैसा नदिनुहोस् ।
बरु कुनै अन्य तरिकाले त्यो जानकारी प्रमाणित गर्नुहोस् । फोन कलमा कुनै अनौठो वा शंकास्पद कुरा फेला परेमा तुरुन्तै रिपोर्ट गर्नुहोस् । यदि तपाईंले यी विधिहरूलाई दिमागमा राख्नुभयो भने, तपाईंले आफूलाई र आफ्ना प्रियजनहरूलाई एआई भ्वाइस क्लोनिङ स्क्यामहरूबाट जोगाउन सक्नुहुन्छ ।
