आईसीटी समाचार
आर्टिफिसियल इन्टेलिजेन्स (एआई) ले धेरै काम गर्न सक्छ । त्यसै मध्येको एक हो, इमेज निर्माण । अहिले सम्पूर्ण इन्टरनेट एआईद्वारा बनाईएको तस्बिरहरूले भरिएको छ ।
हाल बजारमा यस्ता धेरै टूलहरू छन्, जसको मद्दतले मानिसहरू एआई ईमेज बनाउँदैछन् । हाल सबैभन्दा लोकप्रिय टूल भनेको मिडजर्नी, माइक्रोसफ्ट डिजाइनर र ड्याली थ्री हुन् ।
तिनीहरूको मद्दतले, जो कोहीले केहि सेकेन्डमा यस्तो फोटो बनाउन सक्छन् जुन वास्तविक देखिन्छ, तर तपाईले देख्नु भएको फोटो एआईद्वारा बनाईएको हो वा वास्तविक हो भनेर पहिचान गर्नु धेरै महत्त्वपूर्ण छ । आउनुहोस् आज हामी तपाईलाई केही टिप्स बताउँदै छौँ ।
कुनै पनि तस्विरलाई नजिकबाट हेर्दा तपाईले थाहा पाउनुहुनेछ कि त्यो एआई इमेज हो वा वास्तविक हो । यदि तपाईंले एआईबाट निर्मित तस्बिरलाई ध्यानपूर्वक हेर्नुभयो भने, एआई टूलले ससानो विवरणहरुलाई ध्यान नदिएको पाउनु हुन्छ ।
यदि तपाई कुनै व्यक्तिको फोटो एआईबाट बनेको हो वा होइन भनेर हेर्नुहुन्छ भने, उसको अनुहार र कपाललाई ध्यानपूर्वक हेर्नुहोस् । तपाईंले भिन्नता बुझ्नुहुनेछ र यस आधारमा तपाईंले त्यो फोटो एआईद्वारा बनाईएको हो वा होइन निर्णय गर्न सक्षम हुनुहुनेछ ।
त्यस्तै यदि फोटोमा केहि लेखिएको छ भने, ध्यान दिनुहोस् । एआई उपकरणहरू टूलद्वारा बनाईएको इमेजहरूमा टेक्स्ट छरिएको हुन्छ । यी उपकरणहरूले सही ठाउँमा शब्दहरू धेरै सटीक रूपमा प्रयोग गर्छन् तर वाक्यहरू बनाउन गल्ती गर्छन् ।
यदि तपाई फोटोग्राफीको शौकीन हुनुहुन्छ भने एआई फोटोहरू सजिलै चिन्न सक्नुहुन्छ । तपाईंले फोटोको छाया र प्रकाशलाई ध्यानपूर्वक हेरेर एआई फोटोहरू पहिचान गर्न सक्नुहुन्छ ।
