स्नेहा झा
स्मार्टफोनको बजार बढ्दो छ । फोन बनाउने कम्पनीहरू ग्राहकलाई आकर्षित गर्न नयाँ–नयाँ फिचर्समा लगातार काम गरिरहेका छन् । यद्यपि, अधिकांश कम्पनीहरूको रुचि फोनको क्यामेरामा बढी रहेको छ ।
त्यस्तै, बजारमा गेमिङ फोनको पनि प्रभुत्व रहेको छ । उता, गुगल प्ले स्टोरमा बितेका केही वर्षहरूमा धेरै नयाँ गेमहरू आएका छन् । यीमध्ये अधिकांश गेमहरू हाई परफर्मेन्स रहेका छन् । हाई परफर्मेन्स भएका गेमहरूका लागि डिभाइसमा उत्कृष्ट प्रोसेसिंग क्षमता आवश्यक हुन्छ ।
हाई परफर्मेन्स भएका गेमका लागि फोनमा राम्रो गेमिङ मोड हुनु आवश्यक छ । अगाडि केही टिप्स र ट्रिक्स बताइएका छन्, जसको माध्यमबाट सामान्य फोनलाई गेमिङ मोडका लागि तयार गर्न सकिन्छ । साथै भारी परफर्मेन्स भएका गेमहरू सजिलै खेल्न सकिन्छ ।
एप्सको ट्र्याश क्लियर गर्नुहोस्
फोनमा अन्तिम पटक एप्सको प्रयोग गरेपछि तिनको ट्र्याश क्लियर गर्नु आवश्यक छ । एपबाट ट्र्याश सफा गरेपछि फोनको प्रोसेसरमा पर्ने लोड धेरै हदसम्म कम हुन्छ ।
धेरै पटक यी एप ब्याकग्राउण्डबाट हट्दैनन्, यस्तो अवस्थामा विस्तारै फोनमा लोड बढिरहन्छ । यदि फोनको परफर्मेन्स बढाउन चाहनुहुन्छ भने यस कुराको विशेष ध्यान राख्नुहोस् ।
हाई रिफ्रेश रेटमा राख्नुहोस् फोन
धेरै पटक फोनमा हाई रिफ्रेश रेट डिफल्ट रूपमा सेट गरिएको हुन्छ । यद्यपि, यसो धेरै आधुनिक स्मार्टफोनमा आउने गर्छ । तर धेरै पुराना फोनहरूको स्क्रीन ६० हर्ज रिफ्रेश रेटसहित आउँछ ।
यो अवस्थाले फोनको ब्याट्रीको बचत हुन सक्छ, तर कम रिफ्रेश रेटका कारण भारी–भरकम लोड भएका गेमहरूको आनन्द लिन गाह्रो हुनेछ । यदि फोनमा हाई रिफ्रेश रेटलाई अन गर्न सकिन्छ भने गर्नुपर्छ ।
पावर सेभिंग मोड अफ गर्नुहोस्
आजकाल बजारमा आउने स्मार्टफोनमा स्वचालित रूपमा ब्याट्री सेभर मोड अन हुन्छ । यस्तो अवस्थामा यदि तपाईं गेमिङ मोडको साधारण फोनमा मजा लिन चाहनुहुन्छ भने ब्याट्री सेभर मोडलाई बन्द गर्नुपर्छ । यसो नगरे गेमिङको क्रममा समस्या उत्पन्न हुन सक्छ ।
गेमिङ मोड अन गर्नुहोस्
सामान्य फोनमा पनि राम्रोसँग गेम खेल्न सकिन्छ । बजारमा आउने धेरै फोनमा गेमिङ मोडको सुविधा उपलब्ध छ । तर अझै पनि यो फिचर धेरै कम फोनमा सीमित छ ।
यद्यपि, यदि तपाईंको साधारण फोनमा गेमिङ मोडको फिचर छ भने यसलाई अन गर्न सकिन्छ । यस फिचरको माध्यमबाट कुनै पनि हाई परफर्मेन्स भएका गेमलाई उत्कृष्ट तरिकाले बिना कुनै समस्याका खेल्न सक्नुहुनेछ ।
