स्नेहा झा
आजको जमानामा विभिन्न किसिमका निस तथा विषयमा वेबसाइटहरु निर्माण भईरहेका छन् । यी वेबसाइटहरुबाट मासिक रुपमा राम्रो आम्दानी पनि भइरहेको छ ।
अहिलेको समयमा युवाहरुले जीवन परिचय, प्रविधि, वित्त, एप रिभ्यु, सरकार जस्ता धेरै विषयमा आ–आफ्नो वेबसाइटहरु बनाइरहेका छन् ।
यदि तपाई पनि एक कन्टेन्ट राईटर हुनुहुन्छ र एसईओ मैत्री लेख (कन्टेन्ट) लेख्न चाहनुहुन्छ ? त्यसो भए आज हामी तपाईलाई कन्टेन्ट लेख्दा कसरी एसईओ अप्टिमाइज हुने गरी लेख्न सकिन्छ भन्ने बारे जानकारी दिदैछौं ।
१. कीवर्डको अनुसन्धान
तपाई लेख लेख्ने बारे सोच्दै हुनुहुन्छ भने, सबै भन्दा पहिले किवर्ड रिसर्चको बारेमा जान्नुपर्दछ किनभने तपाईसँग कम प्रतिस्पर्धात्मक (लो कम्पिपिटसन) किवर्ड छ भने तपाईको लेख गुगलमा र्यांक हुने सम्भावना धेरै हुन्छ । त्यसकारण कुनै कीवर्ड अनुसन्धान बिना लेखेको कन्टेन्टको कुनै महत्त्व छैन् ।
२) हेडिङ र उपशीर्षकहरूमा कीवर्ड
कुनै पनि कन्टेन्टको हेडिङ तथा सब हेडिङमा राम्ररी अनुसन्धान गरिएको कीवर्ड प्रयोग गर्नुपर्ने हुन्छ । यस्तो लेख गुगलको नजरमा राम्रो हुन्छ र यसले गुगलमा पनि र्यांक गर्न मद्दत गर्दछ ।
३) पहिलो र अन्तिम अनुच्छेदमा किवर्डको प्रयोग
यदि हामी हाम्रो लेख सर्च इन्जिनको शीर्षमा र्यांक गर्न चाहन्छौं भने कन्टेन्टको पहिलो र अन्तिम अनुच्छेदमा किवर्डहरू थप्न आवश्यक छ । तर यस्तो भन्दै गर्दा पनि, हामीले हाम्रो कीवर्ड प्राकृतिक रूपमा प्रयोग गर्नुपर्छ नभए जबरदस्ती कीवर्ड प्रयोग गरेमा लेख पढ्न रमाइलो लाग्दैन् ।
हामीले जानाजानी सामग्रीमा बारम्बार कीवर्ड प्रयोग गर्छौं भने, गुगलले त्यस्तो लेख मान्दैन् र त्यो लेखलाई श्रेणीकरण गर्दैन् ।
४) शीर्षकमा कीवर्ड
हामीले कुनै पनि लेख लेख्नु अघि शीर्षकमा मुख्य कीवर्ड राख्नु पर्छ, जसले गर्दा सो लेखलाई सर्च इन्जिनमा सजिलै भेटिन सकिन्छ ।
हामीले जहिले पनि ६० देखि ७० शब्दको बीचमा शीर्षक लेख्नुपर्छ र शीर्षक देख्नेबित्तिकै क्लिक गर्न बाध्य हुने किसिमले लेख्नुपर्छ ।
५) परमालिंकमा कीवर्डको प्रयोग
परमालिंकमा कीवर्ड हुन्छ, जुन वेब पेज वा ब्लग पोस्टको यूआरएलमा समावेश हुन्छ । यसको उद्देश्य प्रयोगकर्ताहरू र सर्च इन्जिनहरूलाई साइटमा सान्दर्भिक सामग्री फेला पार्न मद्दत गर्नका लागि वेब पेज सामग्रीमा अझ बढी स्पष्टता प्रदान गर्नु हो । त्यसकारण परमालिंकमा किवर्डको प्रयोग गर्न सकिन्छ ।
६) इमेजेज अल्ट ट्याग प्रयोग गर्ने
आजकाल हामी कुनै लेख पोस्ट गर्दा निश्चित रूपमा इमेज समावेश गर्दछौं, जसको लागि हामीले इमेज राख्दा एट्रिब्युसन ट्याग सक्दो समावेश गर्नुपर्छ ।
यसलेलेख गुगल सर्च इन्जिनका साथै गुगल इमेजमा र्यांक गर्न फाइदा दिनेछ, जसका कारण हाम्रो लेखमा बढी ट्राफिक आउने सम्भावना हुन्छ ।
लेखमा कम्तिमा गुणस्तरीय तस्वीर अपलोड गर्नुपर्छ भन्ने कुरामा विशेष ध्यान दिनुपर्छ, जसको कारण वेबसाइटको स्पीड राम्रो रहन्छ र इमेज अप्टिमाइजेसनमा पनि समस्या आउँदैन् ।
हामीले इमेज अपलोड गर्नु अघि यी कुराहरूमा विशेष ध्यान दिनुपर्छ :
- हामीले इमेज अपलोड गर्नु अघि इमेजको नाम परिवर्तन गर्न आवश्यक छ ।
- हामीले सधैं कम्प्रेस गरेपछि इमेज अपलोड गर्नुपर्छ ।
- हामीले हाम्रा लेखहरूमा सधैं उच्च गुणस्तरका इमेज प्रयोग गर्नुपर्छ ।
- इमेज अपलोड गर्दा सम्पादन गर्नुपर्छ ।
- यदि हामीले कुनै अन्य वेबसाइटबाट इमेज मपिगरेका छौं भने हामीले त्यो वेबसाइटलाई क्रेडिट दिनु पर्छ ।
७) एलएसआई कीवर्डको प्रयोग गर्ने
एलएसआई किवर्ड साधारण भाषामा भएका शब्दहरू हुन्, जसले वेब पेज वा ब्लग पोस्टको सामग्रीलाई जनाउँछ । यी शब्दहरूले विषयलाई गहिराइमा बुझ्न मद्दत गर्दछ र यसलाई थप सान्दर्भिक र उपयुक्त बनाउन प्रयोग गरिन्छ ।
एलएसआई कीवर्ड विषयसँग सम्बन्धित तर फरक शब्द र समानार्थी शब्दहरू प्रयोग गर्ने वेब पेजलाई सन्दर्भ गर्न प्रयोग गरिएका शब्दहरूको सूची हो । यसको प्रयोगले प्रयोगकर्ताहरू र सर्च इन्जिनलाई साइटमा थप सम्बन्धित सामग्री फेला पार्न मद्दत गर्दछ ।
८) सम्बन्धित लेखहरूको आन्तरिक लिङ्किङ
यदि हामी सम्बन्धित लेखहरूको आन्तरिक लिङ्किङ गर्छौं भने आन्तरिक लिङ्किङको बारेमा जान्न महत्त्वपूर्ण छ । कुनै पनि लेख लेख्नु अघि आन्तरिक लिङ्किङ गर्नु महत्त्वपूर्ण हुन्छ ।
यदि तपाई ब्लगर हुनुहुन्छ भने बाउन्स रेटको नाम सुन्नु भएको होला । वेबसाइटमा बाउन्स रेट उच्च भयो भने हाम्रो ब्लगको र्यांक खस्किन सक्छ ।
यदि प्रयोगकर्ता ब्लगमा लामो समयसम्म रहन्छन् भने ब्लगको बाउन्स दर घट्छ, त्यसैले हामीले सधैं पुरानो लेखको लिङ्क पनि लेखमा थप्नुपर्छ ।
